ᏦᎳ ᎬᏙᏗᎢ: ᏣᏅᏘᏍᏗ ᏂᎨᏨᎢ ᎦᎾᏰᎩ
ᎢᏧᎳ ᏗᎦᏒᏍᏗᏍᎩ ᏂᎨᏒᎾ ᎠᎴ ᎪᏍᏙᏗ ᏦᎳ ᏗᎪᏢᏅᎯ ᏰᎵ ᏅᏗᎦᎵᏍᏙᏗᏍᎬ ᏅᏩᏙᎯᏯᏛ ᏓᏓᎴᏍᏗᏍᎬ ᎪᎯᏓ ᏅᎵᏱᎵᏙ. ᎤᎿᎢ ᎨᏒᎢ ᎤᏟ ᎢᎦᎢ ᏏᏃ 7000 ᏧᏴᏍᏗ ᏗᏑᏰᏗ ᏚᏲᏍᎬᎢ ᎾᏳᎢ ᏴᎪᏍᎦ. ᎦᎵᏆᏍᎪᎯ ᎪᎵᏍᏙᏗ ᎾᎢ ᏅᏓᎦᎵᏍᏙᏗᏍᎩ ᎠᏓᏰᏍᎩ. ᏗᎦᏒᏍᏗᏍᎩ ᏂᎨᏒᎾ ᏦᎳ ᏄᏍᏛᎩ ᎤᏍᎩ ᎢᎦᎢ 30 ᎾᏍᎩᏯ ᏄᏍᏛ ᏧᏴᏍᏗ ᏗᏑᏰᏗ ᎾᏍᎩᎾᎢ ᏰᎵ ᎢᏳᏩᏂᏐᏗ ᎠᏓᏰᏍᎩ. ᎾᏍᎩ ᎧᏁᏉᏍᏗ ᎾᎢ ᎠᏓᏰᏍᎩ, ᎥᎬᏗᏍᎬ ᎥᏍᎩ ᏦᎳ ᏅᏓᎦᎵᏍᏙᏗᏍᎩ:
- ᎩᎬ ᏚᎵᏍᏚᏁᎲᎢ
- ᎤᎾᏫ ᏂᏓᏳᎶᏒ ᎤᏔᎾ ᏧᏩᏚᏃ ᎥᏳᎩ
- ᎤᏲ ᎩᎬ ᏧᏪᏓᏍᏗ
- ᏍᏓᏯ ᏳᎵᏍᏙᏗ Ꮭ ᏱᏚᎸᏫᏍᏓᏁ
- ᎫᎹ ᎠᎴ ᎦᏅᏙᎬ ᎪᏍᎬᎩ
- ᎢᎬᏩᏛᏗ ᎨᏒ ᎾᏍᎩ ᏅᏢᎥᏍᏗᎢ ᎠᎴ ᎤᎵᏒᏍᏙᏗᎢ
- ᎤᏓᏅᏙᎩ ᎤᏩᏂᎸᎢ ᎠᎴ ᎤᏓᏅᏙᎩ ᎥᏳᎢ
- ᎠᏛᎵᏓᏍᏙᏗ ᎤᏲᏨᎯ
- ᎤᏰᎶᎢᏍᏗ ᎠᏲᎵ ᎤᏲᎱᏒ ᏚᏓᏡᎬ ᏂᏚᎵᏍᏔᏅ ᎡᏧᎳᎭᎢ
E-ᏗᎪᎩᏍᏗ ᎠᎴ ᎠᏔᏃᎸᏍᎩ
ᎯᎠᏃ ᏗᎦᎾᏗᎤᏗ ᎠᏍᎪᎸᏛᎢ ᎾᏃ ᎠᏓᏁᎵᏴᏍᏗᏍᎩ Ꮎ ᎤᏂᎲ ᏳᎾᏛᏁᎵᏓᏍᏗ ᏦᎳ ᏗᎬᏔᏂᏓᏍᏗ. ᎾᏍᎩᏃ ᏏᏃ ᎢᏤ ᎾᎾᎢ ᎾᏍᎩ ᎤᏂᎾᏗᏅᏗᎢ. ᎾᏍᎩᏃ ᎥᏍᎩ ᏏᎢ ᎤᎪᏗᏗ ᎠᎦᏎᏍᏙᏗ. ᏂᎦᏛᏉ ᏞᏍᏗ ᎠᏏ ᏳᎾᏅᏔ ᎾᏍᎩ ᎪᎯᏓ ᎦᎬᎢ ᏅᏩᏙᎯᏯᏛ ᏓᏓᎴᎬᎢ ᎾᏍᎩᎾ ᎬᏙᏗ ᎥᏍᎩ E-ᏗᎪᎩᏍᏗ/ᎠᏔᏃᎸᏍᎩ. ᎾᏍᎩ ᎤᎵᏍᎨᏓ ᎾᎢ ᎤᏔ ᎾᏍᎩ ᏧᏙᎯᏳ ᏄᏰᎵᎸ ᎯᎠᏃ ᏦᎳ ᏗᎦᎾᏗᎤᏗ. ᎾᏍᎩᏃ ᎬᏙᏗ ᎥᎿᎢ ᏂᎦᎥ ᎯᎠᏃ ᏗᎦᎾᏗᎤᏗ ᎨᏒᎢ ᎤᏠᏯᏍᏗ ᏗᎦᎾᏰᎩ. ᎤᏂᎥᎢ ᎬᏗᏍᎬ ᏰᎵᎢ ᎨᏒᎢ ᎤᏐᏅ ᏯᏓᏛᏁᎯ ᎾᎢ ᎾᏂᎥᏊ. ᎠᏎᏃ, ᎦᎸᎳᏗ ᏧᎾᏕᎶᏆᏍᏗ ᏗᎾᏕᎶᏆᏍᎩ ᎾᏍᎩ ᎠᎦ ᎦᎸᎳᏗᏳ ᎾᏍᎩ ᎦᎾᏰᎩ ᎡᏍᎦ ᎢᎬᏳᎾᏁᏗ. ᎢᏳᏰᎵᏗ ᏔᎳᏍᎪᎯ ᎢᏯᏓᏅᏖᏗ ᎪᏣᎴᏒᎢ ᎾᏍᎩ ᏂᎦᎥ ᎦᎸᎳᏗ ᏧᎾᏕᎶᏆᏍᏗ ᏗᎾᏕᎶᏆᏍᎩ ᎾᏍᎩ ᏃᏊ ᎠᏔᏃᎸᏍᎩ. ᎯᎠᏃ ᏗᎪᏢᏅᎯ ᎤᎵᏑᏯ ᏂᎪᏘᏂ. ᏂᎪᏘᏂ ᎤᏐᏅ ᎢᏯᏓᏛᏁᎯ ᎾᎾᎢ ᎠᏙᏢᏍᎬ ᎤᏅᏥᏓ.
ᏂᎯ ᎠᏎᎢ ᏱᏣᎵᏅᏔᏂ ᎲᏗᏍᎬ ᎯᎠᏃ ᏗᎪᏢᏅᎯ ᎾᎢ ᏓᏍᏕᎸᎯ ᏧᎵᎪᎢᏍᏗ ᎪᎦᏍᎬᎢ. ᎠᎴᏃ ᏂᎯ ᎠᏎ ᏱᏣᎴᏅᎯ ᎾᏍᎩ E-ᏗᎪᎩᏍᏗ/ᎠᏔᏃᎸᏍᎩ ᎠᏓᏎᎮᎸᎢ. ᎾᎽᎢ ᎢᏳᏍᏗᏊ ᏗᎳᏏᏔᏅᎯ, ᏂᎦᏛᏉ ᎨᏒᎢ ᏂᎯ ᏓᏍᏕᎸᎯ ᏧᎵᎪᎢ.ᎾᏍᎩᏃ ᎠᏓᏁᏄᎵᏍᎬ ᎥᏍᎩ ᎠᏂᏑᎳᎪᎦ ᎬᏙᏗ
ᎣᏦᎵᎬᎢ ᏰᎵ ᏍᏓᏲᏒᎢ ᎨᏒᎢ ᎠᏑᎵᎪᏍᏗ ᏰᎵᏊ ᎨᏐᎢ. ᎠᏑᎳᎪᎦ ᎠᏎ ᏅᏗᎦᎵᏍᏙᏗᏍᎬ ᎠᏎᏒᎲᎩ. ᎾᏍᎩᏃ ᏫᎦᏁᏔᏴᎢ ᎠᏎᏒᎲᎩ ᎠᏓᏎᎮᎯ ᏄᎵᏍᏓᏁᎲᎢ ᎤᏠᏱᎭ ᎣᏂᏃ ᏩᎦᏲᏢ ᏔᎵ ᎢᏳᎾᏙᏓᏆᏍᏗ. ᏂᎪᏘᏂ ᎾᏍᎩ ᏄᎬᏫᏳᏒ ᏅᏗᎦᎵᏍᏙᏗᏍᎬ ᎥᎿᎢ ᎠᏎᏒᎲᎩ. ᎾᏍᎩᏢᎢ 80-90% ᎥᎿᎢ ᎠᏂᏴᏫ ᎩᎶ ᏂᎪᎯᎸᏊ ᏓᏃᎦᏍᎪᎢ ᎠᎴᏃ ᎠᏔᏃᎴᎩ ᎤᏂᎯ Ꮎ ᏂᎪᏘᏂ ᎤᏴᏍᏗ ᏅᏬᏘ ᏂᎪᎯᎸ ᎬᏗᏍᎩ.
ᎤᎶᏐᏅ ᎠᏑᎳᎪᏍᏗ, ᏂᎯ ᎠᏎᎢ ᏣᎦᏙᎲᏒ ᏗᎪᏣᏁᏍᏗ. ᎯᎠᏃ ᎡᎵᏊ ᏣᎸᏬᏙᏗ ᏱᏂᏨᎦ ᎾᎢ ᎬᏙᏗ ᏦᎳ ᎠᎴ ᎤᏔᏃᎴ. ᎯᎦᏔᎲᎩ ᏣᏤᎵ ᏗᎪᏣᏁᏍᏗ ᎡᎵᏊ ᏣᏍᏕᎵᏍᎩ ᎠᏓᏅᏖᎵᏓᏍᏗ ᎢᏯᏂᎢ. ᏧᏓᎴᎿᎢ ᏗᏓᏖᎸᎲᏍᎬ ᎡᎵᏊ ᎪᏣᏁᏍᏗᎢ ᏧᏚᎸᏓᏁᎯ. ᎠᏍᏓᏩᏛᏍᏗ ᏑᏓᎴᎩ ᏧᎾᎶᎢᏓ ᎠᎴᏃ ᏰᎵᏉ ᎾᎿᎢ ᎠᏰᎵ ᏕᎦᎧᎲᎢ ᎠᏎ ᏂᎯ ᏦᏣᏁᏍᏗ. ᎯᎠ ᎾᏍᏊ Ꮎ ᎠᏎᎮᎯ ᏄᎵᏍᏓᏁᎲ ᎥᎿᎢ ᎠᏎᏒᎲᎩ.ᎠᎵᏘᎸᎮᏍᎩ ᏗᎪᏣᏁᏍᏗ
ᏗᏓᏖᎸᎲᏍᎬ ᏂᎯ ᏣᎦᏙᎲᏒ ᎠᏎᎢ ᏱᏦᏣᏁᏍᏗ. ᏂᎯ ᎠᏎ ᏂᏤᎵᏍᏒᎢ ᏱᎩ ᎯᎠᏃ ᏗᏓᏖᎸᎲᏍᎬ ᎾᎯᏳᎢ ᎲᏗᏍᎬ ᏦᎳ ᎠᎴᏃ ᎠᏔᏃᎸᏍᎩ. ᏗᏟᎶᏍᏔᎾ ᎥᎿᎢ ᎯᎠᏃ ᏗᏓᏖᎸᎲᏍᎬ ᎠᏠᏯᏍᏗ:
- ᎤᏪᎵᎯᏍᏔᏅ
- ᎣᏩᏅᎬ
- ᎤᎵᎮᎵᏨ
- ᎤᎯᏐᏓ
- ᎡᎳᏗ
- ᎤᎵᎮᎵᏍᏗ
- ᎤᎯᏐᏓᏁ
- ᎣᏏᎠᏰᎸᏅ
ᎤᎾᎶᎢᏓ ᏗᎪᏣᏁᏍᏗ
ᏧᏓᎴᎿᎢ ᎭᎵᏖᎸᎲᏍᎬ ᎿᏛᏁᎵᏙᎲ ᎾᏍᎩ ᎢᎦᏓᏉ ᏅᏩᎪᏘᎶᏛ ᎿᏛᏁᎲᎩ ᏰᎵᏊ ᏱᎪᏣᏁᏍᏓ ᏨᏙᏗ ᏦᎳ ᎠᎴᏃ ᎠᏔᏃᎴᎩ, ᎾᏍᎩᏯ ᎢᏳᏍᏗ:
- ᏛᎵᏃᎮᏍᎬ ᎤᎾᎢ ᎾᏍᎩ ᏗᏟᏃᎮᏗ
- ᎠᏗᏔᏍᏗ ᎠᏓᏴᏍᏕᏍᏗᏍᎩ
- ᏚᎦᏙᏍᏗ TV
- ᎠᎯᎵᏒ
- ᎠᏍᏆᏗᏍᎬ ᎠᎵᏍᏓᏴᏗ
- ᎠᏗᏔᏍᏗ ᎧᏫ
- ᎠᎩᏍᏗ ᏙᎸᏫᏍᏓᏁᎲ ᏙᏯᏛᏗ
- ᎤᎶᏐᏅ ᎠᎵᏤᏢᎢ
- ᎤᏓᎷᎸ ᎾᎢ ᏫᏓᎦᏂᏏᏂᏒᎢ
ᎠᏰᏟ ᏗᎪᏣᏁᏍᏗ
ᏓᎾᏓᏟᏏᏍᎬ ᏕᎪᏣᏁᏍᎬ ᏂᎦᎵᏍᏗᏍᎪ ᎾᏳᎢ ᎤᎾᏓᏟᏌᎲ ᎨᏒᎡ ᎤᏠᏯᏍᏗ ᎠᏂᏴᏫ ᎾᏍᎩᎾᎢ ᏰᎵᏊ ᏓᏅᏗᏍᎬ ᏦᎳ ᎠᎴᏃ ᎠᏔᏃᎸᏍᎩ, ᎾᏍᎩᏯ ᎢᏳᏍᏗ:
- ᎾᎾᎢ ᏧᏗᏔᏍᏗ ᏫᏥᎦᏘ
- ᎾᎾᎢ ᏧᎾᏓᏟᏌᎲᎢ ᏫᏥᎦᏘ ᎠᎴᏃ ᏐᎢ ᎠᏂᏴᏫ ᎠᎾᏓᏟᏏᏍᎬ ᏂᎦᎵᏍᏔᏂᏙᎲᎢ
- ᎾᎾᎢ ᏙᏗᏁᏃᎩᏍᎬ ᏫᏥᎦᏘ
- ᏥᎪᏘ ᎩᎶ ᏄᏓᎴᎢ ᎪᎦᏍᎬᎩ
- ᏙᎦᎾᎵᎪᏒ ᏦᎦᎵᎢ ᎾᏍᎩ ᏗᏃᏍᎩ
- ᎠᎾᎵᎮᏍᏗᏍᎬᎢ ᎤᏔᎾ ᏂᎦᎵᏍᏔᏂᏙᎲ
ᎠᏎᏒᎲᎩ ᏗᎪᏣᏁᏍᏗ
ᎢᏳᏃ ᏂᎯ ᏨᎦᏒᎦᏞᏍᏗ ᏱᏨᏘᏂᏍᏗ ᏦᎳ ᎠᎴᏃ ᎠᏔᏃᎸᏍᎩ ᏗᎪᏢᏅᎯ ᎾᏍᎩᎾ ᎪᎯᏓ ᏛᎵᏱᎵᏙᎳ, ᏣᏤᎵ ᎯᏰᎸᎢ ᎥᏒᎢ ᎬᏔᏅᎯ ᎾᎢ ᎠᎩᏍᎬᎢ ᏂᎪᏘᏂ. ᎠᏎᏒᎲᎩ ᎠᏓᏎᎮᎯ ᏂᏚᎾᎵᏍᏓᏁᎲᎢ ᎠᏠᏯᏍᏗ ᏧᏚᎸᏓᏁᎯ, ᎾᏍᎩᏯ ᎢᏳᏍᏗ:
- ᎾᏍᎩ ᏙᏳᎠᏆᏚᎵᏍᎬ ᎦᏅᏢᎥᏍᎬ ᏦᎳ (ᎪᎩᏍᏗ, ᎠᏔᏃᎴᎩ, ᏦᎳ ᎠᏅᏍᎦᏗ, ᏧᏠᏯ ᏗᏠᏯᏍᏗ.)
- ᎪᎩᏍᏗ ᏧᎦᏒᏍᏗ ᎦᏩᏒᎬᎢ, ᎠᏔᏃᎴᎩ ᎠᎴᏃ ᏦᎳ ᎠᏅᏍᎦᏗ
- ᎠᎯᏓᏍᏗ ᎠᎴ ᎦᏇᏅᏛ ᎠᎴᏃ ᏦᎳ ᏂᎦᏯᎢᏒᏊ
- ᎤᏚᎸᏗ ᎾᎢ ᎪᎱᏍᏗ ᎠᏛᏁᏗ ᎤᏠᏯᏍᏗ ᏗᏦᏰᎾ ᎠᎴᏃ ᎯᎰᎵ
- ᎤᏦᏎᏗ ᎠᏩᏛᏅᏘ ᎠᎴ ᏐᎢ ᎠᏎᏒᎲᎩ ᎠᏓᏎᎮᎯ ᏃᎵᏍᏓᏁᎲᎢ
ᏂᎯ ᏞᏍᏗ ᎠᏎ ᏨᏌ ᎯᎠ ᏗᏣᎵᏍᏗ ᏱᎩ. ᏱᏍᎩᎵᏍᎪᎸᏓᏁᎳ ᎠᏙᎵᏍᏙᏗ ᎠᎵᏍᏕᎸᏙᏗᎢ. ᎥᏍᎩ ᏂᎯ ᏣᎸᏈᏍᏓᏁᎮᏍᏗ ᎾᎿᎢ ᏧᎳᎪᎢᏍᏗ ᏦᎳ ᎤᏗᏍᎬᎩ. ᏫᏴᏓᏏ 1-866-635-7045.
ᏗᎧᏁᏉᏍᏙᏔᏅ ᏗᏓᏁᏢᏅᎢ:
ᎾᎢ ᎠᏕᎳᎰᎯᏍᏗ ᎤᎾᎢ ᎠᎩᏍᏗ ᎠᎵᏍᏕᎵᏍᎩ ᎾᎿᎢ ᏣᏤᎵ ᎢᎬᎾᏕᎾ, ᏫᏴᏓᏏ ᎾᏍᎩ ᎠᎹᏰᎵ ᎠᏓᏰᏍᎩ ᏴᏫ ᎤᎾᏓᏡᎬ ᎠᏞᏛ-ᎠᏎᏊᎢ: 1-877-44U-QUIT
