ᎦᎸᎳᏗ ᎩᎦ ᎤᎵᏌᎳᏓᏁᎲᎢ ᎯᎠ ᎾᏂᏪᏎᎰᎢ "ᎡᎳᏪ ᎠᏓᎯᎯ." ᎾᏍᎩ "ᎡᎳᏪᎢ" ᏂᏗᎦᎵᏍᏙᏗᎬ ᏂᎯ ᏰᎵᏊ ᏱᏣᎭ ᏄᏠᏯᏍᏛᎾ ᎢᏧᎳᎭᎢ ᏂᎦᏔᎲᎾ. ᎾᏍᎩᎾᏃ "ᎠᏓᎯᎯ" ᏂᎦᎵᏍᏙᏗᏍᎬᏃ ᏓᏲᏍᏗᎲᎢ ᏣᏤᎵ ᎯᏰᎸᎢ.
ᏣᏅᏖᏍ ᎾᏍᎩᎾᎢ ᏌᏊ ᎾᎢ ᏦᎢ ᎢᏯᏂᎢ ᏧᎾᏔᎾ ᎤᏁᎭ ᎦᎸᎳᏗ ᎩᎦ ᎤᎵᏌᎳᏓᏁᎲᎢ? ᎠᎴ ᎤᎪᏗᏗ ᎥᏝ ᎾᏍᎩ ᏳᎾᏅᏔ. ᎤᎿᎢ ᎨᏒᎢ ᎾᏍᏊ ᎤᏂᏍᏈᏍᏗ ᎠᏂᏴᏫ ᎩᎶ ᎾᏂᎵᏍᎬ ᎾᏍᎩᎾᎢ who ᏓᏓᏘᏂᏒ ᎤᎾᏤᎵ ᎩᎦ ᎤᎵᏌᎳᏓᏁᎲᎢ ᎤᏠᏯᏍᏗ ᏗᎩᏍ, ᎠᏎᏃ ᏙᏳᎢ Ꮭ ᏰᎵᎢ ᏰᏄᏍᏓ ᎠᏫᏂ ᎠᏰᎸᏍᏗ.
ᎦᏙᏃ ᎢᏳᏃ ᏱᎾᏬᎾ ᎩᎦ ᎤᎵᏌᎳᏓᏁᎲᎢ ᎭᏫᏂᏗᏢ ᎠᎯᎸᏍᏗᎢ?
ᎤᏁᎭ ᎦᎸᎳᏗ ᎩᎦ ᎤᎵᏌᎳᏓᏁᎲᎢ ᎠᎵᏌᎵᏗᏍᎬ ᏣᏓᏁᏟᏴᎡᎲ ᎤᎪᏗᏗ ᏂᏣᎵᏍᏓᏁᎲ ᏅᏩᏙᎯᏯᏛ ᏓᏓᎴᏍᏗᏍᎬᎢ. ᎢᎦᏓ ᎯᎠᏃ ᏓᏓᎴᏍᏗᏍᎬ ᎨᏒᎢ:
- ᎤᎸᏓᎸᏅ
- ᎠᏓᏅᏙᎩ ᎥᏳᎩ
- ᎠᏓᏅᏙᎩ ᎤᏩᏂᎸᎢ
- ᎤᏓᎵ ᎥᏳᎩ
- ᏗᎨᏩᏍᏗ.
ᎦᏙᎤᏍᏗ ᎾᏍᎩ ᏱᎬᏩᏍᏗᏭ ᎩᎦ ᎤᎵᏌᎳᏓᏁᎲᎢ?
ᏱᎬᏩᏍᏗᏭ ᎩᎦ ᎤᎵᏌᎳᏓᏁᎲᎢ ᎾᏍᎩ 120/80 ᎠᎴᏃ ᎡᎳᏗᏢ. ᎤᎪᏗᏗ ᎢᏳᏍᏗ ᎡᎵᏊ ᎠᏓᏕᏙᏗᏍᎩ ᏂᏨᏅᎢ ᎩᎦ ᎤᎵᏌᎳᏓᏁᎲᎢ. ᎠᏎᏃ ᎥᎿᎢ ᏂᏨᏅᎢ ᏱᎬᏩᏍᏗᎭᏭ ᎥᏍᎩ ᎦᎸᎳᏗᎨᏍᏗ ᏏᏃ 120/80, ᏂᎯ ᎠᏎ ᏂᏨᎾ, ᎠᎴᏃ ᎾᎾᎢ ᏫᎦᏘᏒᎢ ᎾᏍᎩᎾ, ᎦᎸᎳᏗ ᎩᎦ ᎤᎵᏌᎳᏓᏁᎲᎢ.
ᎦᏙᏱᎦᏛᎦ ᏱᎦᎵᏍᏕᎳ ᏂᎦᏯᎢᏒᎢ ᎾᏬᏅᎢ ᎩᎦ ᎤᎵᏌᎳᏓᏁᎲᎢ ᏱᎬᏩᏍᏗᎭᏭ?
- ᏂᎯ ᎰᏍᎩ ᏱᎩ, ᎯᏑᎳᎪᎢ.
- ᎠᎵᏂᎬᏁᎯ ᎨᏒᎢ. ᎭᏁᎵᏓ ᎠᎵᏂᎬᏁᎯ ᎨᏒᎢ ᎾᏍᎩ ᎢᎦᎢ 30 ᎢᏧᏔᏬᏍᏔᏅᎯ ᏌᏊᎭ ᎢᎦ. ᎡᏓᏍᏗ ᎾᏍᎩ ᏌᏊ ᎥᎿᏒ ᏫᏓᏤᏢ ᏱᏗᎬᏁᏗᎢ ᎾᎢ ᏱᎩ ᎤᏟ ᎢᎦᎢ ᏯᏛᏁᏗᎢ.
- ᎦᏲᎵᎨ ᎯᎩᏍᎨᏍᏗ ᎠᎹ.
- ᎦᏲᎵᎨ ᎥᏗᏍᎨᏍᏗ ᎧᏫᎭᎢ (ᎧᏫ, ᎤᎦᎶᎦ, ᎪᎳᏍ).
- ᎾᏍᎩ ᎢᎦᎢ ᎯᏍᎩ ᎢᏳᏩᏔ ᎠᎩᏍᏗ ᎥᏍᎩ ᎠᏓᏛᏍᎩ ᎠᏫᏒᏅᎢ ᏧᏙᏓᏆᏓ.
- ᎨᏒᎩ Ꮎ ᏙᎯ ᏄᏓᎨᏒᎢ. ᎯᏯᏛᏛᎯ ᏂᏨᏅᎢ ᎦᎾᎦᏘ ᎦᏙ ᎡᎵᏍᏗ ᏂᎯ ᏱᏂᏣᏓᎩ. ᎢᏳᏃ ᏄᏚᎸᏓ ᏣᏲᎱᏎᏗ ᏂᏣᏓᎨᏒᎢ, ᎤᏍᎦᏃᎳᎨᎯᏍᏗ ᎾᏛᎦ ᎠᎴ ᎬᏗ ᏚᏳᎪᏛ ᎣᏍᏓ ᎠᎩᏍᏗ.
- ᏗᏓᏅᏗᏍᏙᏗ ᎤᏪᎵᎯᏍᏗ.
- ᎯᎩ ᏂᏨᏅᎢ ᏅᏬᏘ ᏂᎯ ᎦᏳᎳ ᏗᎩᏍᏗ ᏱᏘᎩᏍᎩ ᎾᏍᎩᎾ ᎦᎸᎳᏗ ᎩᎦ ᏣᎵᏌᎳᏓᏁᎲᎢ, ᏙᏳᎢ ᏚᏳᎪᏛ ᎨᏎᏍᏗ ᏂᎯ ᏞᏍᏗ ᏥᎯᏅᏓ ᏂᎦᎥ ᏱᎦᎢ ᏅᏬᏘ.
- ᏍᏓᏜᏃᎲᎳ ᎾᎢ ᏂᏨᏅᎢ ᎦᎾᎦᏘ ᎾᎢ ᎤᏟ ᎢᎦᎢ ᎠᏕᎶᏆᏍᏗ ᏄᏰᎵᏛ ᏂᏨᏅᎢ ᎦᎾᏰᎩ ᎾᏍᎩᎾ ᎦᎸᎳᏗ ᎩᎦ ᎤᎵᏌᎳᏓᏁᎲᎢ.
ᏅᏓᏳᏓᎴᏅᎯ: OSF Saint Francis ᏅᏬᏘᏲᎢ ᎠᏰᏟ
ᎠᏩᏛᎯᏓᏍᏗ WebMD ᎾᏍᎩᎾ ᎤᏟ ᎢᎦᎢ ᎧᏃᎮᏢᎥᏍᎩ.