ᎦᏙᎤᏍᏗ ᎠᎾᏛᏁᎰᎢ ᏗᏣᏤᎵ ᏗᏂᏲᎵ ᎾᏍᎩ ᎠᎬᏱ ᎪᎱᏍᏗ ᎠᎾᏛᏁᎰᎢ ᎾᏳᎢ ᏧᏁᏅᏒ ᏳᏂᎷᏥ ᏧᎾᏕᎶᏆᏍᏗ ᏂᏓᏳᏂᎶᏒᎯ? ᎾᏍᎩ ᏫᏓᏂᏞᏍᎪ ᎠᎩᏍᏔᏂᏓᏍᏗ ᎠᎴ ᏩᏂᎶᏍᎪᎢ ᎾᏍᎩᎾ ᎠᏓᏴᎳᏛᏍᎩ ᎠᎴᏃ ᎠᎦᏙᎥᎯᏍᏗ ᎠᏍᏆᏂᎪᏗᏍᎩ?
ᎾᏍᏉ ᎤᎪᏗ ᎠᎾᎵᏍᏓᏴᎲᏍᎬᎢ ᎠᎴ ᎥᏝ ᎾᏍᎩ ᎠᎾᎵᏖᎸᎲᏍᎬ ᏰᎵ ᏗᏂᏲᎵ ᎾᏍᎩ ᏗᏂᎨᏗᎢ ᏱᏂᎦᎵᏍᏗ. ᎾᎿᎢ ᎾᏍᎩ 20 ᏧᏕᏘᏴᏛ ᏧᏩᎫᏔᏅᏒ, ᎾᏍᎩ ᏱᎦᏔ ᎾᏍᎩ ᎤᎶᏒᏔᏅ ᏂᏚᎾᏓᎨᏒᎢ ᏗᏂᏲᎵ ᎾᏍᎩ ᏔᎵ ᎢᏳᏩᎫᏗ ᎤᎵᏌᎳᏓᎾ. ᎢᎸᏢ 15% ᏗᏂᏲᎵ ᎢᏧᎾᏕᏘᏴᏓ 6-19 ᎤᎪᏗ ᎢᏧᎾᏓᎨᏗ. ᎾᏍᎩᎾᎢ ᏕᎦᏛᎢ ᎾᏍᎩᎾᎢ ᏌᏊ ᎾᎥᏂᎨᏍᏗ ᎾᏍᎩ ᎾᏂᎥᎢ ᎯᏍᎩ ᏯᏂᏒ ᏗᏂᏲᎵ ᎨᏒᎢ ᎾᏍᏉ ᏗᏂᎨᏗᏊ.
ᎣᏂ ᏗᎾᏛᏍᎩ ᎠᏂᏴᏫ ᎩᎶ ᎨᏒ ᎾᏍᏊ ᏗᏂᎨᏗᏊ Ꮎ ᎤᏟᎯᏳ ᎥᏍᎩ ᎦᎾᏰᎩ:
- ᎠᏓᏅᏙᎩ ᎥᏳᎩ
- ᎧᎳᏎᏥ
- ᎦᎸᎳᏗ ᎩᎦ ᎤᎵᏌᎳᏓᏁᎲᎢ
- ᎦᎸᎳᏗ ᎤᎧᎾᏫ ᎢᏳᏍᏗ ᎠᏙᏢᏍᎩ
- ᏑᏓᎴᎩ ᏗᏓᏰᏍᎩ.
ᎧᏁᏉᏓ ᏳᏓᎨᏓ ᎾᏍᏊ ᎤᎪᏗᏳ ᏂᎦᎵᏍᏗ ᎾᎿ ᎤᏪᎵᎯᏍᏗ ᎤᎾᎢ ᎠᏛᏍᎬ ᏧᎪᎳ ᎠᎴᏚᏫᏢᎢ. ᎤᎶᏒᏔᏅ ᏗᏂᎨᏗᏊ ᏕᎨᏒᎢ ᏓᎵᏠᏯᏍᏗ Ꮎ ᏅᏍᏗᏓᏅᎢ ᎾᎿ ᎤᏲᎢ ᎤᏩᏒ-ᎤᏓᏅᏘᏗᎢ ᎠᎴ ᎧᏂᎬᎾᎥ ᎾᎿᎢ ᏗᏂᏲᎵ, ᎾᏍᏊ.
ᏗᏂᏲᎵ ᎤᏙᎯᏳᎯ ᎠᎾᎦᏙᏍᏗᏍᎪ ᎾᏛᏁᎲᎢ. ᎤᏂᎳᏅᏔᏅ ᎢᏳᎾᏛᏁᎵᏓᏍᏗ ᎢᎬᏱᏊ ᎠᎾᏕᎶᏆᏍᎪ ᏧᏂᏍᏓᏩᏛᏍᏗ ᏂᎦᎥ ᎤᎾᏤᎵ ᏓᎾᎴᏂᏙᎲᎢ. ᏙᏳᎢ ᏚᏳᎪᏛ ᎨᏎᏍᏗ ᏣᏤᎵ ᏗᏤᏅᏒᎢ ᎾᏍᎩ ᎤᏙᏢᏒ ᎤᎾᎢ ᎠᎾᏕᎶᏆᏍᎬ ᎤᏂᎳᏅᏔᏅ ᎢᏳᎾᏛᏁᎵᏓᏍᏗ.
ᎠᏓᏕᏲᎲᏍᎩ ᎾᏍᎩ ᏧᏂᎦᏴᎵᎨᎢ:
- ᏂᎯᏃ ᎣᏍᏗ ᏅᏍᏗᏓᏅ ᏗᏟᎶᏍᏙᏗ ᎨᏎᏍᏗ ᎾᏍᎩᎾ ᏗᏣᏤᎵ ᏗᏂᏲᎵ. ᏙᏳᎢ ᏚᏳᎪᏛ ᎨᏎᏍᏗ ᏂᎯ ᎠᎴ ᏕᏣᏓᏘᎾᎲᎢ ᏙᎯ ᎠᎵᏍᏓᏴᏗ
- ᏘᏍᏆᏂᎪᏓ ᎦᏲᎳᎨᎢᏍᏗ ᏧᎦᎾᏍᏓ ᎠᎴ ᎦᎸᎳᏗ-ᎤᎳᏦᎯᏓ ᏗᎩᏍᏔᏂᏓᏍᏗ ᎤᎾᎢ ᏗᏤᏅᏒᎢ. ᏗᏓᏛᏍᎩ ᎠᎴ ᎠᏫᏒᏅ ᏣᎮᏍᏗ ᎠᏛᏅᎢᏍᏔᏅᎢ ᎾᏍᎩᎾ ᎾᏳᎢ ᏗᏂᏲᎵ ᏳᎾᏚᎵᎢ ᎾᎢ ᎠᏍᎩᏔᏂᏓᏍᏗ
- ᎬᏙᏗ 100% ᎠᏓᏛᏍᎩ ᎤᏓᏁᏅᎯ ᎾᎿᎢ ᎤᏙᏢᏍᏒ ᎾᎿᎢ ᎠᏓᏛᏍᎩ ᎤᏓᏁᏅᎯ ᏗᏗᏔᏍᏗ. Ꮎ ᎠᏰᏟ ᎤᎵᏍᏈᏗ ᎾᏍᎩ 1 ᎠᎵᏍᏕᎵᎭ
- ᎠᏁᏗ ᏣᏤᎵ ᎠᏲᎵ ᎠᎹ ᎤᎬᏫᏳᏎᏍᏗ ᎥᏍᎩ ᏐᏓ ᏆᏈ ᎠᎴ ᎠᏓᏛᏍᎩ ᏧᏓᏁᏅᎯ
- ᎲᏓ ᎠᎹᎭ ᎤᏅᏗ ᎠᎴᏃ 2% ᎤᏅᏗ ᎾᎿᎢ ᎤᏙᏢᏒ ᎾᎿᎢ ᎧᎵᎢ ᎤᏅᏗ
- ᏞᏍᏗ ᏱᏌᏙᏍᎨᏍᏗ ᏣᏤᎵ ᎠᏲᎵ ᎾᎢ ᎤᏍᏆᏗᏍᏗ ᎠᎵᏍᏓᏴᎲᏍᎬ ᎤᎾᎢ ᎤᏤᎵᎢ ᎠᏘᎵᏙᎢ ᏗᎧᎵᎢ ᏱᎩ
- ᏞᏍᏗ ᎬᏙᏗ ᎾᏍᎩ ᎡᏣᎫᏴᎡᏗ. ᎠᎴ ᏞᏍᏗ ᎣᏗᏟ ᏱᎬᏁᏗ ᎠᎵᏍᏓᏴᏗ ᎾᎢ ᎠᏍᏛᏗᏍᏙᏗ ᏣᎶᎵ ᎠᏲᎵ
- ᏞᏍᏗ ᏱᎩᏍᎨᏍᏗ ᏗᎩᏍᏔᏂᏓᏍᏗ ᎠᎴᏃ ᎤᎾᎵᏍᏓᏴᏗ ᎾᏳᎢ ᏕᎭᏙᏍᏗᎢ TV
- ᎠᏂᎵᏗ ᎾᎢ ᎯᏯᏂᏍᎬ ᏣᏤᎵ ᎠᏲᎵ ᎾᎢ ᎨᏎᏍᏗ ᎤᏟ ᎢᎦᎢ ᎠᎵᏖᎸᎲᏍᎩ ᏧᎩᏨᏅᏓ. ᏂᎯ ᏰᎵᏊ ᎠᏖᏓᏗᏍᏗ ᎾᎿ ᎤᎾᎢ ᎾᏍᎩ ᎤᏬᎵᏗ! ᏫᏅᎪᎢ ᏩᏨᏏᏯ ᎠᎴᏃ ᏙᏓᏥᎦᏪᏞᏍᏏ ᎢᏧᎳᎭi, ᎯᏅᎦᎵ ᏓᏆᎴᎷ ᎠᎴᏃ ᏐᎢ ᎾᏛᎦ ᏗᎦᎸᏫᏍᏓᏁᏗ ᎾᏍᎩ ᎣᎦᎵᏲᏒᎢ. ᏌᏊᎭ ᎠᏲᎵ ᎡᎵᏍᏗ ᏯᎩ ᎾᏍᎩ ᎤᏍᏗᎧᏂ 60 ᎢᏗᏔᏬᏍᏔᏅᎯ ᎾᎢ ᎠᏜᏂᎪᎯᏍᏙᏗ ᏧᎩᏨᏅᏓ.
ᎰᏩᏊ ᎠᎦᎾᎦᏘ ᎾᎢ ᏂᏨᏅᎢ ᏍᏓᏝᏃᎲᎳ ᎢᏳᏃ ᎢᏤᎵᏒᎩ ᏣᏤᎵ ᎠᏲᎵ ᏰᎵᏉ ᎦᎨᏗᏊ ᎾᏍᏊ ᎤᎪᏗᎢ. ᎾᏍᎩᏃ ᎠᎵᏍᏓᏴᏗ ᎾᏍᎩᎾ ᏂᎦᎥ ᏗᏂᏲᎵ ᎡᎵᏍᏗ ᎨᏒᎢ ᏂᎦᎾᏰᎬᎾ ᎠᎴ ᎧᎵᎢ ᎥᏍᎩ ᎣᏍᏓ ᏧᏓᎴᏅᏛ ᎾᏍᎩᎾ ᎤᎾᏤᎵ ᎠᏛᏍᎦᏊ ᏗᏂᏰᎸᎢ.
ᏅᏓᏳᏓᎴᏅᎯ: OSF Saint Francis ᏅᏬᏘᏲᎢ ᎠᏰᏟᎠᏩᏛᎯᏓᏍᏗ WebMD ᎾᏍᎩᎾ ᎤᏟ ᎢᎦᎢ ᎧᏃᎮᏢᎥᏍᎩ.
ᎠᏜᏂᎪᎯᏍᏙᏗ:
ᏂᎯ ᎤᏠᏯᏍᏗ ᎾᏍᎩ ᎤᎵᏍᎨᏗ ᏅᏍᏗᏓᏅᎢ ᎾᎿᎢ ᏙᎡᎵ ᏣᏤᎵ ᏗᏂᏲᎵ ᎾᏁᎵᏍᎬᎢ ᏄᏰᎵᏛ ᎠᏜᏂᎪᎯᏍᏙᏗ. ᏂᎯ ᎨᏒᎢ ᎡᎦᏓ ᏗᏓᏃᎯᏎᎯ ᎾᎢ ᏗᏍᏕᎵᏍᎩ ᎨᏒᎢ ᎤᏟ ᎢᎦᎢ ᎾᏛᏁᎲ:
- ᎢᏯᏛᏁᏗ ᎾᏍᎩᎾᎢ ᎠᎵᏖᎸᎲᏍᎩ ᎢᎦᏛᏉ ᎾᏍᎩ ᏗᏣᏤᎵ ᏏᏓᏁᎸᎢ ᏧᎩᏨᏅᏓ ᎤᏩᎪᏘᎶᏛ. ᎤᏗᎧᎲᎦ ᎤᏤᎵᏛ ᎠᏟᎢᎵᏒ ᎾᏍᎩᎾ ᏏᏓᏁᎸᎢ ᏗᎾᏂᎩᏍᎩ ᎠᎴᏃ ᎾᏍᎩᎾ ᏓᎾᏁᎶᎲᏍᎬ ᎠᎵᏖᎸᎲᏍᎩ ᏧᎾᏁᎶᏗ ᎡᏧᎳᎭᎢ.
- ᏗᏂᏲᎵ ᏗᏁᏗ ᎠᎵᏖᎸᎲᏍᎩ ᏗᏁᎶᏙᏗ ᎠᎴ ᎬᏔᏂᏓᏍᏗ. ᏔᏘᏄᎦ ᎾᎢ ᏚᏙᏢᏒᎢ ᎾᏍᎩᏛ ᎾᎿᎢ ᏰᎵᎢ ᎨᏒ ᎠᎵᏖᎸᎲᏍᎩ.
- ᎠᏓᎦᎵᏍᏙᏗ ᏗᏂᏲᎵ ᎤᎾᎢ ᎾᏳᎢ ᎾᏍᎩᏛ ᎤᏘᎳᏛ ᎾᎿᎢ ᎤᎾᏓᎵᏂᎪᎯᏍᏗ ᏓᎾᎵᏖᎸᎲᏍᎬ. ᎦᎫᏍᏛᏗ ᎢᏯᏂᎢ ᎬᏂᎨᏒ ᏱᎬᏁᏗ ᎤᎾᎦᏌᏯᏍᏙᏗᏱ ᎾᎿᎢ ᏗᏤᎢ ᏌᏊᎢ.
- ᎠᎾᎵᏖᎸᎲᏍᎬ ᎤᏬᎵᏗ ᏅᏁᎸᎩ. ᎤᏩᏌᏊ ᏰᎵ ᏱᎩ ᏂᎦᎥᏉ ᏣᏤᎵ ᎠᏲᎵ ᏓᎵᎮᎵᎬᎢ, ᎾᏍᎩᎾ ᏚᎾᎵᎪᏒ ᏗᎾᎳᏍᎦᎵᏍᎩ ᎾᎢ ᎠᏂᏏᏴᏫᎭ ᏗᏁᎸᏙᏗᎢ.
- ᏙᏳᎢ ᏚᏳᎪᏛ ᎨᏎᏍᏗ ᏓᎾᎵᏖᎸᎲᏍᎬ ᎨᏒᎢ ᏚᏳᎪᏛᎢ ᎾᏍᎩᎾ ᎠᏲᎵ ᎢᏳᏕᏘᏴᏓ. ᎠᎴ, ᎾᎢ ᎪᎯᏳᏙᏗ ᏄᎾᏰᎯᏍᏛᎾ, ᏗᎾᏬᏍᏗ ᎬᏙᏗ ᎾᏍᎩᏯ ᎢᏳᏍᏗ ᏗᎵᏍᏆᏃ ᏗᎵᏍᏇᏚᏍᏗ, ᎧᏯᏌᏝ ᏗᏯᎦᎸᏗ ᎠᎴ ᏗᎧᏂᎨᏂ ᏗᏯᎦᎸᏗ.
- ᎯᏩᏘ ᎠᎯᏓ ᎤᏙᏢᏒᎢ ᎾᎢ ᎨᏒᎢ ᎠᎵᏖᎸᎲᏍᎩ ᏂᎪᎯᎸᏊ.
- ᎠᏎᎸᎯ TV ᎠᎴ ᏗᏓᏴᎳᏛᏍᎩ ᏗᏁᎸᏙᏗ ᎠᏟᏰᎢᎵᏒᎢ ᎾᎢ Ꮭ ᎤᏟ ᎢᎦᎢ ᏏᏃ ᏔᎵ ᎢᏧᏟᎶᏛ Ꮎ ᎢᎦ. ᎦᏂᎳᏗᏍᏗ ᏗᏂᏲᎵ ᎤᎾᏨᏏᏰᏗᎢ, ᏧᎾᏁᎸᏙᏗ ᎠᎴ ᎤᎾᎵᏍᎩᏍᏗ ᎤᎬᏫᏳᏎᏍᏗ.
ᏅᏓᏳᏓᎴᏅᎯ: ᎠᏰᏟᏃ ᎾᏍᎩᎾ ᎥᏳᎩ Disease Control and Prevention (CDC)
ᎠᏩᏛᎯᏓᏍᏗ WebMD ᎾᏍᎩᎾ ᎤᏟ ᎢᎦᎢ ᎧᏃᎮᏢᎥᏍᎩ.
