ᎤᏪᎵᎯᏍᏗ ᎾᏍᎩ ᎧᏁᎢᏍᏗ ᎪᏟᏍᏗ ᎾᎢ ᏃᏥᎥᎢ. ᏂᎦᏛᏉ ᏄᎵᏍᏔᏂᏙᎸᎢ ᎤᏪᎵᎯᏍᏗ ᎾᎿᎢ ᏓᏟᎢᎵᏒ ᎾᏍᎩ ᎪᎱᏍᏗ ᎤᏎᎦᏤᎸᎯ ᎠᎴᏃ ᎤᏟᏍᏓ ᎢᎦᎵᏍᏗᏍᎩ, ᎠᏎᏃ ᎾᏍᏊ ᏂᏚᎵᏍᏔᏅ ᏂᎪᎯᎸ ᎾᏁᎢ ᎢᎦᏤᎵ ᏧᎩᏨᏅᏓ ᏓᎾᎴᏂᏙᎲᎢ.
ᎠᏁᎵᏗᏍᎬ ᎾᎢ ᏧᏓᎴᏅᏓ ᏕᎦᏟᏏᎬᎢ ᏧᎸᏫᏍᏓᏁᏗᎢ, ᏗᏂᏲᎵ ᎠᎴ ᏓᎾᏓᏚᏓᎸᎥᏍᎬᎾᏰᎵ ᎠᏙᏢᏍᎬ ᎤᏪᎵᎯᏍᏗ. ᎾᏍᎩ ᏍᏔᏯ ᎾᎢ ᎤᏓᎲᎾᎯᏍᏙᏗᎢ ᎠᎴ ᎠᏣᏪᏐᎸᏍᏔᏅᎢ ᎾᏳᎢ ᎬᏅᎢ ᎾᏍᎩ ᏙᏳᎢ ᎤᏦᏎᏗ. ᎾᏍᏉ ᎤᏣᏘ ᎤᏪᎵᎯᏍᏗ ᏰᎵᎢ ᏅᏓᎦᎵᏍᏙᏗᏍᎬᎩ ᎤᏐᏅᎢ ᎾᎢ ᏣᏤᎵ ᎯᏰᎸᎢ. ᎾᏍᎩ ᏱᎵ ᏅᏓᎦᎵᏍᏙᏗᏍᎬᎩ ᎪᎱᏍᏗ ᎤᏍᏗ ᎾᏍᎩᏯ ᎢᏳᏍᏗ ᎾᏍᎩ ᏩᏂᎦᎳ ᎠᏍᎪᎵ ᎤᏪᏍᏓᏁᎲ. ᎾᏍᏊ ᏰᎵ ᏱᏩᎵᏱᎶᎩ ᎾᎢ ᎤᏟ ᎢᎦᎢ ᎤᏢᏲᎵᏍᏗ ᏅᏩᏙᎯᏯᏛ ᏓᏓ.ᎴᎬ ᎾᏍᎩᏯ ᎢᏳᏍᏗ ᎧᏂᎬᎾᎥ ᎠᎴᏃ ᎦᎸᎳᏗ ᎩᎦ ᎤᎵᏌᎳᏓᏁᎲᎢ.
ᎢᎦᏓ ᎢᏗᏛᎸᏁᏗ ᎾᎢ ᎠᎦᏲᎳᎨ ᏂᎦᎵᏍᏗᏍᎩ ᎤᏪᎵᎯᏍᏗ:
- ᎠᏜᏂᎪᎯᏍᏙᏗ ᏂᎪᎯᎸᏊ. ᎾᏍᎩ ᏕᎦᎿᏍᎪᎢ ᏤᎮᎯᏍᏗᏍᎬᎢ ᎠᎴ ᏓᎵᏍᏕᎵᏍᎪ ᏂᏨᏅᎢ ᏄᏍᏛ ᏣᏓᏅᏛᎢ.
- ᎤᎪᏗᏗ ᎯᎦ ᏙᎯ ᏗᎵᏍᏓᏴᏗ, ᎤᏠᏯᏍᏗ ᏗᏓᏛᏍᎩ ᎠᎴ ᎠᏫᏒᏅ, ᏗᎧᎵ ᏧᎦᏔ ᎠᎴ ᏗᏈᏘᏂ.
- ᎡᎵᏉ ᎢᎦᎢ ᎾᏍᎩ ᎯᏢᎾ.
- ᎭᏁᎵᏓ ᏲᎦ ᎥᎿᎢ ᏗᏤᏅᏒᎢ ᎠᎴ ᎾᎿᎢ Ꮎ ᏗᎾᏕᎶᏆᏍᏗ.
- ᎮᎾ ᎾᏍᎩᎾ ᎡᏙᎲᎢ ᏂᎦᎥ ᎢᎦ.
- ᏘᏫᏓ ᎢᎦᏓ ᎠᏟᎢᎵᏒᎢ ᎾᏍᎩᎾ ᏨᏌᏊ Ꮭ ᎠᏱᎵᏓᏍᏗ ᏰᎵᎢ ᏂᎯ ᎨᏒᎢ ᏕᏣᎸᏫᏍᏓᏁᎲᎢ. ᎾᏍᎩᎾ ᏱᏓᏟᎶᏍᏔᎾ, ᏍᏓᎵᎢ ᏫᏴᏓᏏ. ᎠᎴᏃ, ᎯᏩᏔ Ꮎ ᎤᎸᏬᏗ ᏳᏛᏁᏗ ᎭᎵᎮᎵᎬᎢ.
- ᎤᏍᎦᏙ, ᎭᏫᏂ ᎯᏬᎭᎳᏕᎩ Ꮎ ᎢᎸᏍᏍᎩᏉ ᎢᏳᏩᏗ ᎯᎦ.
ᏄᏓᎴ ᏳᎵᏍᏙᏗ ᎾᎢ ᎠᏓᏍᏕᎵᏍᎩ ᎠᏓᏅᏖᎵᏓᏍᏗ ᎤᏪᎵᎯᏍᏗ ᎾᎢ ᎠᎩᏍᏗ ᏑᏕᏘᏴᏓ ᎢᏳᏓᎵ ᎠᏥᎪᎵᏰᏗᎢ. ᎠᏥᎪᏰᏗ ᎾᏍᎩ ᎣᏍᏓ ᏳᎵᏍᏙᏗ ᎾᎢ ᏙᏳᎢ ᏚᏳᎪᏛ ᎨᏎᏍᏗ ᏂᏨᏅᎢ ᎤᏪᎵᎯᏍᏗ ᏞᏍᏗ ᏂᎬᏂᏏᏍᎬᎢ ᏂᏨᏅᎢ ᏅᏩᏙᎯᏯᏛ. ᏫᎨᎯᏴᏓᏏ ᏂᏨᏅᎢ ᏄᎬᏫᏳᏒ ᎠᎦᎾᎦᏗ ᎪᎯ ᎢᎦ ᎾᎢ ᎯᎧᎲᎦ ᎾᏃ ᏓᏒᏍᏔᏅᎩ.
ᎠᏩᏛᎯᏓᏍᏗ WebMD ᎾᏍᎩᎾ ᏗᎧᏁᏉᏍᏙᏔᏅ ᎧᏃᎮᏢᎥᏍᎩ.