ᏗᏓᎪᎵᏰᏍᎩ
ᏗᏓᎪᎵᏰᏍᎩ ᏰᎵᎢ ᏯᏩᏔ ᏚᎾᏓᏁᎶᏍᎯᏍᏗᏍᎬᎢ ᎤᏓᎷᎸ Ꮎ ᎠᏴᏫ ᏏᏃ ᏂᎦᎥ ᎠᏓᏎᎮᎯ ᏂᏚᎾᎵᏍᏓᏁᎲᎢ. ᏔᎵ ᏗᎪᎵᏰᏍᎩ ᎡᎵᏊ ᏱᎦᏂᏯ ᎾᏍᎩ ᎠᏓᏰᏍᎩ ᎾᏍᎩᎾᎢ ᏳᎾᏕᏯᏙᏗ ᎠᏂᎨᏯ. ᎾᏍᎩᏛ ᎦᏁᏥ ᎠᏓᏰᏍᎩ ᎨᏒᎢ ᎠᎴ ᏎᏈᎦᎵ ᎠᏓᏰᏍᎩ ᏗᎪᎵᏰᏍᎩ. ᎯᎠᏃ ᏗᏓᎪᎵᏰᏍᎩ ᏓᎵᏏᏅᏗ ᏧᎾᎴᏂᏓᏍᏗ. ᎾᏍᎩᏏ ᏰᎵᎢ ᏱᏓᏂᏩᏔ ᎾᏍᎩ ᏗᏓᏰᏍᎩ ᏛᏃ ᎤᏓᎷᎸ ᎠᏗᎦᎴᏲᎬᎢ. ᎾᏍᎩᏃ ᎢᎬᏱᎨᏎᏍᏗ ᏯᏩᏛᎭ ᎾᏍᎩ ᎠᏓᏂᎶᎯᏍᏗ, ᎾᏍᎩ ᎤᏟ ᎠᎯᏗᏳ ᎾᏍᎩ ᎾᎢ ᏯᏓᏛᏁᏗ.
ᏪᏣᎪᎵᏯ ᎾᏍᎩᎾ ᏎᏈᎦᎵ ᎠᏓᏰᏍᎩ
ᎾᏍᎩᏃ ᏎᏈᏏ ᎾᏍᎩ ᎡᎳᏗᎨ ᏭᎵᏍᏛ ᎾᏍᎩ ᏳᏛᏬᏍ. ᎾᏍᎩ ᏓᏘᎳᏗᏍᏓ ᎤᏨᏯᏍᏗ ᎾᏍᎩ ᎠᎨᏯ ᎤᏗᎬᏍ. ᎠᏓᏰᏍᎩ ᎾᏍᎩ ᏎᏈᏏ ᏕᎪᏢᏍᎪ ᎤᏍᎦᏃᎳᎨᎯᏍᏗ. ᎤᎪᏗᏗ ᏞᏍᏗ ᏳᏂᎯ ᏗᎪᏪᎳᏅᎢ.
ᏆᏈ ᏗᎦᏛᏗ ᏰᎵ ᏯᎵᏍᏕᎵ ᎠᎴᏫᏍᏙᏗ ᏎᏈᎦᎵ ᎠᏓᏰᏍᎩ. ᏓᏁᏩᏘᎢ ᏗᏙᏢᏍᎩ ᎾᏍᎩ ᏰᎵ ᎠᏥᏅᏬᏗ ᎤᏓᎷᎸᎢ ᏳᎾᎵᏍᏙᏗ ᎾᏍᎩ ᎠᏓᏰᏍᎩ. ᎾᏍᎩᏛ ᎡᎵᏊ ᎾᏍᏊ ᏯᏂᏩᏔ ᏂᎦᎵᏍᏗᏍᎬ ᎾᏍᎩᎾᏃ ᎠᏓᏰᏍᎩ ᎠᎬᏱᏱ ᎠᎴᏫᏍᏙᏗ ᎠᏗᎦᎴᏲᎬᎢ.
ᎦᏅᏗ ᏣᎦᏟᎶᏍᏙᏗ ᏰᎵᏊ ᎭᎵᏏᏅᏓ ᎠᎴᏂᏙᎲᎢ
ᎤᏂᎪᏓ ᎠᏂᎨᏯ ᏚᏁᎮᏍᏗ ᎦᏁᏥ ᎠᏓᏰᏍᎩ ᏑᏕᏘᏴᏓ ᎢᏳᏓᎵ. ᎾᏍᎩᏢᎢ 40,290 ᎠᏂᏲᎱᏍᎩ ᎾᏍᎩᎾ ᎨᏒᎢ. ᏂᎯ ᏰᎵᏊ ᎤᏟ ᎢᎦᎢ ᏄᏓᎷᎸᎾ ᎾᎢ ᏤᎮᏍᏗ ᎾᏍᎩ ᎦᏁᏥ ᎠᏓᏰᏍᎩ ᎥᏍᎩ ᏂᎯ:
- ᏣᏥᏍ ᎠᎴᏃ ᎡᏣᏙ ᎤᏁᎮᎢ ᎾᏍᎩ ᎦᏁᏥ ᎠᏓᏰᏍᎩ
- ᏣᏤᎵ ᎠᎬᏱ ᎺᏂᏍᏆᎵ ᏗᏪᎢᏍᏗ ᏂᎯ ᎤᏓᎷᎸᎢ 12 ᏥᎨᏒᎢ
- ᏣᎴᏫᏍᏔᏅᎩ ᏗᏪᎢᏍᏗ ᏂᏕᏣᎵᏍᏓᏁᎲᎢ ᎤᎶᏐᏅ ᏥᏒᎢ 55
- ᎥᏝ ᎢᎸᎯᏳᎢ ᏱᏓᎩᎧᎭ ᏗᏂᏲᎵ ᎠᎴᏃ ᎠᎩᎧᏅ ᎠᎬᏱ ᏣᏤᎵ ᎠᏲᎵ ᎾᏳᎢ ᏂᎯ 30 ᎦᎸᎳᏗᎵ ᏥᎨᏒᎢ
- ᎠᎩᎩᏒᎩ ᎾᏍᎩ ᎠᎾᎦᎵᏍᎩ ᎢᎦᎦᏘ ᏗᏓᏅᏬᏙᏗ ᎾᎢ ᏣᏤᎵ ᎦᏁᏥ ᎢᎬᎾᏕᎾ
ᏕᏣᏓᏘᎿᎥᎢ ᏘᏍᏕᎵ ᏂᏚᎾᏓᎨᏒ ᏧᏂᏲᎱᏎᏗᎢ.
ᎤᏟ ᎢᎦᎢ ᎠᎴ ᎤᏟ ᎢᎦᎢ ᎠᏂᏴᏫ ᎾᏍᎩ ᏂᏚᎾᏓᎨᏒᎢ ᏓᏓᎴᎬᎢ. ᎠᎦᎾᎦᏘ ᎾᎢ ᏂᏨᏅᎢ ᏍᏓᏜᏃᎲᎳ ᎾᏍᎩ ᏂᎯ ᎠᎴ ᏕᏣᏓᏘᎿᎥᎢ ᎨᎵ ᎾᏍᎩ ᎤᎶᏒᏔᏅ ᎢᏳᏓᎨᏗ ᏱᎩ. ᎢᏳᏃ ᏂᏨᏅᎢ ᎦᎾᎦᏘ ᏱᏄᏪᏏ ᏂᎯ ᎠᎴᏃ ᏣᏤᎵ ᎠᏲᎵ ᎡᎵᏍᏓ ᏱᏍᏗᏲᎱᏌ ᎢᎸᏍᎩ ᎢᏳᏓᎨᏗ, ᎯᎠᏃ ᏗᏓᏃᎯᏎᎯ ᎡᎵᏊ ᏱᏍᏗᏍᏕᎳ:
ᏂᎯᏍ ᎯᏁᎵᏛ?
ᎠᎦᏎᏍᏙᏗ ᎾᎯᏳ ᎠᎴ ᎢᎬᏪᏅᏓᏉ ᎤᎶᏐᏅ ᎦᏁᎵᏛ
ᎾᏍᎩᏃ ᎠᎦᏎᏍᏙᏗ ᎯᏣᎩᏍᎬ ᎾᎯᏳᎢ ᎯᏁᎵᏛ ᎨᏒᎢ ᎾᏍᎩ ᎤᎵᏍᎨᏓ ᎢᎦᏛᏉ ᎾᏍᎩ ᏙᎯ ᎦᏁᎵᏛ ᎨᏒᎢ. ᏏᏃ ᎤᏍᏗ ᏄᏕᏅᎾ ᎠᎦᏎᏍᏙᏗ ᎾᏍᎩ ᏄᎬᏫᏳᏒ. ᎭᏖᎳᏓ ᏃᎬᏅᎢ ᏏᏃ ᎤᏍᏗ ᏄᏕᏅᎾ ᎤᎾᏙᏢᏒ.
ᎰᏩᏊ ᏫᎨᎯᏴᏓᏟ 1-866-635-7045 (TTY 711).
