ᎠᏂᏴᏫ ᎠᏠᏯᏍᏗ ᎧᎳᏎᏥ ᎡᎵᏊ ᎪᎯᏓ ᎠᎴᏂᏓᏍᏗ ᎠᎴ ᏅᏩᏙᎯᏯᏛ ᏓᎾᎴᏂᏙᎲᎢ. ᎤᏣᏘᏰᏃ ᎠᎴᏅᎲ ᎾᏍᎩ ᎠᏱᎸᏍᏗ ᎯᎠᏃ ᏦᎢ ᏂᏚᏍᏗᏓᏅᎢ:
- ᎩᎦ ᎧᎵᏎᏥ (ᏡᎪᏏ)
- ᎩᎦ ᎤᎵᏌᎳᏓᏁᎲᎢ
- ᎤᎧᎾᏫ ᎢᏳᏍᏗ ᎠᏙᏢᏍᎩ ᏂᏕᎦᏛᎢ
ᎤᏂᏣᏘ ᎠᏂᏴᏫ ᎤᏁᎭ ᏂᎦᎥ ᎥᏍᎩ ᎯᎠᏃ ᏂᏚᏍᏗᏓᏅᎢ. ᎾᏳᎢ ᏂᎯ ᏱᏤᎯ ᎧᎳᏎᏥ, ᏂᎯ ᎨᏒᎢ ᎤᏟ ᎢᎦᎢ ᏄᏓᎷᎸᎾ ᎾᎢ ᎠᏓᏅᏙ ᎤᏩᏂᎸᎢ, ᎤᎸᏓᎸᏍᎩ ᎠᎴᏃ ᎤᏓᎵ ᎤᏓᏄᎸᏁᎢ. ᎠᏎᏃ ᏂᎯ ᎠᏱᎸᏍᏗ ᏣᏤᎵ ᎩᎦ ᎧᎵᏤᏥ, ᎩᎦ ᎤᎵᏌᎳᏓᏁᎲᎢ ᎠᎴ ᎤᎧᎾᏫ ᎢᏳᏍᏗ ᎠᏙᏢᏍᎩ. ᎾᏍᎩᎾᎢ ᎡᎳᏗ ᏂᎬᏁᎯ ᏂᏨᏅ ᎦᎾᏰᎩ ᎾᏍᎩᎾ ᏣᏓᏁᎶᏍᎯᏍᏗᏍᎬᎢ.
ᎠᏓᏛᏗ ᏂᏨᏅᎢ ᏄᎬᏫᏳᏒ ᎠᏓᎦᏎᏍᏙᏗ ᎠᎦᎾᎦᏗ (PCP) ᎯᎠᏃ ᏗᏛᏛᎲᏍᎩ:
Q. ᎦᏙᎤᏍᏗ ᎾᏍᎩ ᎾᏮᏅᎢ ᏡᎪᏏ, ᎩᎦ ᎤᎵᏌᎳᏓᏁᎲᎢ ᎠᎴ ᎤᎧᎾᏫ ᎢᏳᏍᏗ ᎠᏙᏢᏍᎩ ᏗᏎᏍᏗ?
Q. ᎦᏙᎤᏍᏗ ᎢᏳᏗᎾ ᎾᏍᎩᏛ ᏱᎩᏃ?
Q. ᎦᏙᏳᏍᏗ ᎾᎾᏛᏁᎲᎢ ᎠᏩᏤᎵ ᏰᎵᏊ ᏱᏫᏥᎩ ᎾᎢ ᏱᏫᏥᎷᎩ ᎠᎴ ᎡᏙᎴᏍᏗ ᎯᎠᏃ ᏓᎵᏐᏍᏔᏅᎢ?
ᏘᏍᏆᏂᎪᏓ ᎪᏪᎳᏅ.
ᏣᎦᏎᏍᏕᏍᏗ ᎥᎿᎢ ᏣᏤᎵ ᎩᎦ ᎧᎵᏎᏥ (ᏡᎪᏏ), ᎩᎦ ᎤᎵᏌᎳᏓᏁᎲᎢ ᎠᎴ ᎤᎧᎾᏫ ᎢᏳᏍᏗ ᎠᏙᏢᏍᎩ ᏂᏕᎦᏛᎢ.
ᎭᎵᏖᎸᎾᏊ ᏃᏊ.
- ᎾᏍᎩ ᏙᏳᎪᏛ ᎢᏗᎦᎢ ᎠᎩᏍᏗ ᎾᎿ ᏗᎵᏍᏓᏴᏗ ᎾᏍᎩᏳᏍᏗ ᏗᏓᏛᏍᎩ, ᎠᏫᏒᏅ, ᏚᏯᎢ ᎠᎴ ᎧᎵᎢ ᏧᎦᏔ
- ᎯᎩ ᏗᎵᏍᏓᏴᏗ ᎾᏍᎩᎾᎢ ᎨᏒ ᎠᏛᏅᎢᏍᏔᏅᎯ ᎤᏠᏯᏍᏗ ᎦᏲᎵᎨ ᎠᎹ ᎠᎴ ᎤᎳᏦᎯᏓ
- ᎯᎩ ᎤᏍᏗᎩᏳ ᎨᏒ 30 ᎢᏧᏔᏬᏍᏔᏅᎯ ᎨᎿ ᎤᎾᏟᏂᎪᎯᏍᏗ ᎠᎾᎵᏖᎸᎲᏍᎬ ᏧᎩᏨᏅᏓ
- ᏂᏣᏓᎨᏒ ᏙᎯ ᏂᏣᏛᏁᏍᏗ. ᎠᏓᏛᏗ ᏂᏨᏂᎢ ᏄᎬᏫᏳᏒ ᎠᏓᎦᏎᏍᏙᏗ ᎠᏓᏁᏢᏍᎩ (PCP) ᎾᎢ ᎪᏟᏍᏓ ᏄᏍᏛ ᏣᏤᎵ ᎯᏰᎸ ᏂᎬᎢ ᎠᏓᏎᎮᎯ (BMI) ᎾᏍᎩ ᎠᎴ ᎠᏕᎶᏆᏍᏗ ᎢᏳᏃ ᎾᏍᎩ ᏱᎬᏩᏍᏗᎭᏭ ᎢᎬᎾᏕᎾ
- ᎭᎴᏫᏍᏓ ᎰᎦᏍᎬᎢ. ᎠᏓᏛᏗ ᏂᏨᏅᎢ PCP ᏄᏰᎵᏛ ᏱᏗᎬᏁᏗᎢ ᎾᎢ ᎠᏑᎵᎪᏍᏗ
- ᎬᏙᏗ ᏗᎩᏍᏗ ᎧᏁᏌᎢ ᎾᎢ ᏍᏕᎸᏗᎢ ᏗᏣᎩᏍᏗ ᏗᏣᏤᎵ ᏧᎩᏨᏅᏓ ᏅᏬᏘ ᏂᎪᎯᎸᏊ
- ᏣᎮᏍᏗ ᎾᏃ ᎠᏤᎲᏍᏔᏅᎢ-ᎾᎢ-ᎢᎦ ᏕᎦᏅᏅᏛ ᎾᎿ ᏂᎦᎥ ᏣᏤᎵ ᏅᏬᏘᏃ ᎠᎴ ᏗᏓᏲᏕᏍᏗᏍᎩ ᎾᎿᎢ ᏣᏤᎵ ᎪᎱᏍᏗ ᎦᎵᏔᎸᏙᏗ ᎠᎴᏃ ᎠᏕᎳ ᏗᎦᎸᏙᏗ
- ᏘᎩ ᏅᏬᏘ ᎾᏍᎩ ᏳᎵᏍᏙᏗ ᏣᏤᎵ PCP ᎠᎴᏃ ᏗᏏᎾᏍᏛ ᏣᏃᏎᎰᎢ ᏂᎯ ᎾᎢ. ᎢᏳᏃ ᏱᏁᎵᎢ Ꮎ ᏅᏬᏘ Ꮭ ᏱᏗᏣᏙᎵᏤ ᎬᏗ ᏣᏤᎵ ᎯᏰᎸᎢ, ᎯᏃᎯᏌ ᏂᏨᏅᎢ PCP
- ᎠᏓᏛᏗ ᏣᏤᎵ PCP ᏄᏰᎸᏛ ᏕᎯᎩᏍᎬ ᏧᎩᏨᏅᏓ ᏱᎦᎢ ᏅᏬᏘ ᎬᏙᏗ ᎾᏍᎩ ᎠᎩᏍᏗ
- ᎠᏓᏛᏗ ᏣᏤᎵ ᏕᏣᏓᏘᎿᎥᎢ ᎠᎴ ᏧᎾᎵᎢ ᎾᎢ ᏍᏕᎵᏍᎩ ᎬᏗ ᏣᏤᎵ ᏓᏁᎸᏔᏅ ᎾᎢ ᏣᎩᏍᏗ ᎠᎴ ᏙᎯ ᎨᏎᏍᏗ
ᎦᎧᎲᎢ ᏓᎵᏐᏍᏔᏅ.
ᏣᎦᏎᏍᏕᏍᏗ ᎥᎿᎢ ᎿᏉ ᏣᏤᎵ ᎠᎪᎶᏛᏗᎢ, ᎤᏓᎵ ᏚᎸᏫᏍᏓᏁᎲᎢ ᎠᎴ ᏗᎳᏏᏕᎾ ᏗᎪᎵᏰᏗ ᏂᏨᏅᎢ ᎦᎾᎦᏘ ᎬᏗ. ᏗᎦᎸᏫᏍᏓᏁᏗ ᎤᏠᏯᏍᏗ ᏂᏨᏅᎢ PCP, ᎠᏏᎾᏍᏛ, ᏗᏣᎵᎢ ᎠᎴ ᏏᏓᏁᎸᎢ ᎾᎢ ᎠᏙᏯᏅᎯᏗᏍᏗ ᏣᏤᎵ ᏓᎵᏐᏍᏔᏅᎢ.
ᎮᏍᏗ ᏥᏨᎨᏫᏏ ᎾᎢ ᏫᎩ ᎯᎠᏃ ᏗᏓᎪᎵᏰᏍᎬᎢ:
ᎩᎦ ᎧᎵᏎᏥ (ᏡᎪᏏ)
ᎾᏍᎩ A1C ᎠᏓᎪᎵᏰᏍᎩ ᏄᏍᏛ ᎾᏍᏊ ᎪᎵᏍᏙᏗ ᎾᏍᎩ ᎮᎼᏠᎩᏈᏂ A1C. ᎾᏍᎩ ᎢᏯᏟᎶᎥᎢ ᏣᏤᎵ ᎢᎦᏘᎭ ᏂᏚᏍᏛ ᎩᎦ ᎧᎵᏎᏥ ᎾᏍᎩ ᏦᎢ ᏏᏅᏓ ᎢᏳᏓᏅᎯᏓ. ᎠᏓᎪᎵᏰᏍᎩ ᎾᎿᎢ ᎦᏲᎵᎨᏍᏗ ᏔᎵ ᎾᎢ ᏅᎩ ᎢᏳᏩᎪᏗ Ꮎ ᏑᏕᏘᏴᏓ, ᏂᎦᎵᏍᏙᏗᏍᎬᎢ ᎤᎾᎢ ᏣᏤᎵ ᏂᏣᏛᎿᏕᎬᎢ. ᎧᏁᎢᏍᏙᏔᏅ ᎩᎦ ᏡᎪᏏ ᎠᎵᏐᏍᏛ: 7 ᎠᎴᏃ ᎦᏲᎵᎨ ᎤᎾᎢ ᎾᏍᎩ A1C ᎠᎦᏛᏗ.
ᎩᎦ ᎤᎵᏌᎳᏓᏁᎲᎢ
ᎠᏓᎴᏐᏍᏙᏗ ᎠᎴ ᎠᏜᏂᎪᎯᏍᏙᏗ ᎠᏓᏍᏕᎵᏍᎩ. ᏂᎯ ᎡᎵᎢ ᎤᏚᎸᏓ ᏅᏬᏘ ᎾᏍᏬᎢ. ᎠᎦᏛᏗ ᎾᎿᎢ ᏂᎦᎥᎢ ᎠᏓᏩᏛᎯᏓᏍᏗ. ᎠᎵᏐᏍᏔᏅ ᎩᎦ ᎤᎵᏌᎳᏓᏁᎲᎢ ᎡᎵᏊ ᏧᏓᎴᎿᎢ ᎬᏗ ᎢᏧᎾᏕᏘᏴᏓ ᎠᎴ ᏅᏩᏙᎯᏯᏛ. ᎯᏯᏛᏛᎯ ᏂᏨᏅᎢ PCP ᎦᏙᎤᏍᏗ ᎾᏍᎩ ᏓᏤᏢᎢ ᎾᏍᎩᎾ ᏂᎯ.
ᎤᎧᎾᏫ ᎢᏳᏍᏗ ᎠᏙᏢᏍᎩ
ᎤᎧᎾᏫ ᎢᏳᏍᏗ ᎠᏙᏢᏍᎩ ᎾᏍᎩ ᎢᏳᏍᏗ ᎥᎿᎢ ᎤᎳᏦᎯᏓ ᎾᎿᎢ ᎩᎬᎢ. ᎠᏓᎴᏐᏍᏙᏗ ᎠᎴ ᎠᏜᏂᎪᎯᏍᏙᏗ ᎠᏓᏍᏕᎵᏍᎩ. ᏅᏬᏘ ᎡᎵᏊ ᎠᏎᎢ ᎤᏚᎸᏗ ᎾᏍᏬᎢ. ᎠᎦᏛᏗ ᎾᏍᎩ ᏔᎵ ᏧᏕᏘᏴᏓ ᎢᏳᏓᎵ. ᎠᏓᏅᏘᎸᎩ ᎤᎧᎾᏫ ᎢᏳᏍᏗ ᎠᏙᏢᏍᎩ ᏰᎵᏊ ᏧᏓᎴᎾᎢ ᏱᏂᎦᎵᏍᏗ ᏄᏩᎾ ᎠᏴᏫ. ᎯᏯᏛᏛᎯ ᏂᏨᏅᎢ PCP ᎦᏙᎤᏍᏗ ᎾᏍᎩ ᏓᏤᏢᎢ ᎾᏍᎩᎾ ᏂᎯ.
ᎤᏠᏱᎭ ᎠᎴ ᎠᏔᏃᎯᏍᏔᏅ ᎠᎦᏙᎵ ᏗᎪᎵᏰᏓ
ᏪᏣᎪᎵᏯ ᏑᏕᏘᏴᏓ ᎢᏳᏓᎵ ᎬᏗ ᎾᏃ ᎠᎦᏙᎵ ᎠᏏᎾᏍᏛ.
ᎠᎦᏛᏗ ᎾᏍᎩᎾ ᎤᏓᎵ ᎥᏳᎩ
ᎠᎦᏛᏗ ᎾᏍᎩᎾ ᏈᏘᏂ (ᎠᎳᏊᎻ) ᎾᎿᎢ ᏣᏤᎵ ᎠᏗᎧᏓ ᎠᎴ ᎠᎦᏛᏗ ᎾᏍᎩᎾ ᎠᎵᏌᎳᏗᏍᎬ ᎥᎿᎢ ᏗᎾᏓᏁᏟᏴᏍᏗᏍᎩ ᎾᎿᎢ ᏣᏤᎵ ᎩᎦ ᎠᎴᏉᎢ ᏌᏊ ᏑᏕᏘᏴᏗ ᎢᏳᏓᎵ.
ᎤᎳᏏᏕᏂ ᏧᎾᏓᎪᎵᏰᏍᏗ
ᏗᏣᎳᏫᏍᏕᏂ ᏫᏕᏣᎬᎵᏰᏍᏏ ᎾᎿᎢ ᏂᎦᎥ ᎠᏓᏩᏛᎯᏓᏍᏗ.
ᎾᏍᎩᎾ ᎤᏟ ᎢᎦᎢ ᎧᏃᎮᏢᎥᏍᎩ, ᎠᏩᏛᎯᏓᏍᏗWebMD.
ᎦᏙᎤᏍᏗ ᏂᎯ ᎤᏚᎸᏓ ᏣᏅᏘᏍᏗ ᏄᏰᎵᏛ ᎤᎧᎾᏫ ᎢᏳᏍᏗ ᎠᏙᏢᏍᎩ
ᎾᏍᏊ ᎤᎪᏗ ᎤᎧᎾᏫ ᎢᏳᏍᏗ ᎠᏙᏢᏍᎩ ᎾᏍᎩ ᏩᎵᎶᎯᎭ ᎠᏓᏅᏙᎩ ᎥᏳᎩ. ᎠᏎᏃ ᏜᎢᎸᎯᏳ ᎾᏍᏊ ᎤᎪᏂᏲᏨ ᏱᎩ ᎠᎴᏃ ᎾᏍᏊ ᎢᎬᏱᏊ ᎾᎢ ᎠᏓᏅᏖᎵᏓᏍᏗ ᏂᏨᏅᎢ ᎤᎧᎾᏫ ᎢᏳᏍᏗ ᎠᏙᏢᏍᎩ ᏂᏕᎦᏛᎢ.
ᎠᎦᎾᎦᏘ ᎾᎢ ᏂᏨᏅᎢ ᏍᏓᏝᏃᎲᎳ ᎾᎢ ᎠᎩᏍᏗ ᎠᏓᎪᎵᏰᏍᎩ. ᎾᏍᏊ ᎠᏓᏛᏗ ᏄᏰᎵᏛ ᏱᏗᎬᏁᏗᎢ ᎾᎢ ᎯᎩ ᎠᎦᏎᏍᏙᏗ ᎥᎿᎢ ᏣᏤᎵ ᎠᏓᏅᏙ ᎠᎴ ᎡᎲᎢ ᏙᎯᏯᎢ ᎠᎴᏂᏓᏍᏗ.
ᎾᏍᎩᏃ ᏧᎾᏙᎯᏳ
ᎤᎧᎾᏫ ᎢᏳᏍᏗ ᎠᏙᏢᏍᎩ ᎾᏍᎩ ᏩᎾᎨᎢ, ᎤᎧᎾᏫ ᎢᏳᏍᏗ ᏗᎩᏍᏗ ᏗᎬᏔᏂᏓᏍᏗ ᎾᎿᎢ ᏣᏤᎵ ᎩᎦ ᎡᎬᎢ. ᎾᏍᎩ ᎬᏔᏅᎯ ᎾᎢ ᎪᏢᏔᏅ ᎢᏤ ᏗᏙᏢᏍᎩ ᎠᎴ ᎡᎳᏗ ᏂᎦᎵᏍᏗᏍᎬ ᎣᏬᏢᏅ ᎠᎵᏍᏓᏴᎢ. ᎢᎦᏓ ᎥᏍᎩ ᎣᏍᏓ. ᎠᏎᏃ ᎾᏍᏊ ᎤᏟ ᎢᎦᎢ ᎤᏣᏘ ᎥᏍᎩ ᎤᏲᎵ.
Q. ᎭᏢᏃ ᏂᎦᎵᏍᏗ ᎤᎧᎾᏫ ᎢᏳᏍᏗ ᎠᏙᏢᏍᎩ ᎾᏍᎩ ᏂᏓᏳᎶᏒᎢ?
A. ᎢᎦᏓZ ᎾᏍᎩ ᏗᎦᎶᏍᎪ ᏗᎵᏍᏓᏁᏗ ᎯᎢᎾ ᎢᏳᏍᏗ ᎧᎵᎢ ᎤᏅᏗ, ᎤᏅᏗ ᎦᏚᏅᎯ, ᎭᏫᏯ ᎠᎴ ᎪᏢᏅ. ᎤᏓᏰᎶᏒᎢ (ᏤᏂᏏ) ᎾᏍᏊ ᏰᎵᎢ ᎾᏍᎩ ᏯᎵᏠᏯᏍᏓ ᏅᏍᏗᏓᏅᎢ. ᎾᏍᎩᎾ ᏱᏓᏟᎶᏍᏔᎾ, ᎢᏳᏃ ᎢᎦᏓ ᎥᎿᎢ ᏣᏤᎵ ᎪᎱᏍᏗ ᏗᏣᏓᏛᏂ ᎤᏁᎯ ᎠᎴᏃ ᏄᏅᎾ ᎦᎸᎳᏗ ᎤᎧᎾᏫ ᎢᏳᏍᏗ ᎠᏙᏢᏍᎩ, ᏂᎯ ᏰᎵᏊ ᏱᎩ ᎾᎿ ᎦᎸᎳᏗᎨᏍᏗ ᎦᎾᏰᎩ.
Q. ᎪᏙᎤᏍᏗ ᏚᏓᎴᎿᎢ ᎢᏧᏍᏗ ᎾᏍᎩ ᎤᎧᎾᏫ ᎢᏳᏍᏗ ᎠᏙᏢᏍᎩ?
A. ᎾᏍᎩ ᏚᏓᎴᏅᎲᎢ ᎢᏧᏍᏗ ᎨᏒᎢ:
ᎾᏍᏊ ᎤᎪᏗ ᎤᎧᎾᏫ ᎢᏳᏍᏗ ᎠᏙᏢᏍᎩ ᎾᏍᎩ ᏩᎵᎶᎯᎭ ᎠᏓᏅᏙᎩ ᎥᏳᎩ. ᎠᏎᏃ ᏜᎢᎸᎯᏳ ᎾᏍᏊ ᎤᎪᏂᏲᏨ ᏱᎩ ᎠᎴᏃ ᎾᏍᏊ ᎢᎬᏱᏊ ᎾᎢ ᎠᏓᏅᏖᎵᏓᏍᏗ ᏂᏨᏅᎢ ᎤᎧᎾᏫ ᎢᏳᏍᏗ ᎠᏙᏢᏍᎩ ᏂᏕᎦᏛᎢ.
ᎠᎦᎾᎦᏘ ᎾᎢ ᏂᏨᏅᎢ ᏍᏓᏝᏃᎲᎳ ᎾᎢ ᎠᎩᏍᏗ ᎠᏓᎪᎵᏰᏍᎩ. ᎾᏍᏊ ᎠᏓᏛᏗ ᏄᏰᎵᏛ ᏱᏗᎬᏁᏗᎢ ᎾᎢ ᎯᎩ ᎠᎦᏎᏍᏙᏗ ᎥᎿᎢ ᏣᏤᎵ ᎠᏓᏅᏙ ᎠᎴ ᎡᎲᎢ ᏙᎯᏯᎢ ᎠᎴᏂᏓᏍᏗ.
ᎾᏍᎩᏃ ᏧᎾᏙᎯᏳ
ᎤᎧᎾᏫ ᎢᏳᏍᏗ ᎠᏙᏢᏍᎩ ᎾᏍᎩ ᏩᎾᎨᎢ, ᎤᎧᎾᏫ ᎢᏳᏍᏗ ᏗᎩᏍᏗ ᏗᎬᏔᏂᏓᏍᏗ ᎾᎿᎢ ᏣᏤᎵ ᎩᎦ ᎡᎬᎢ. ᎾᏍᎩ ᎬᏔᏅᎯ ᎾᎢ ᎪᏢᏔᏅ ᎢᏤ ᏗᏙᏢᏍᎩ ᎠᎴ ᎡᎳᏗ ᏂᎦᎵᏍᏗᏍᎬ ᎣᏬᏢᏅ ᎠᎵᏍᏓᏴᎢ. ᎢᎦᏓ ᎥᏍᎩ ᎣᏍᏓ. ᎠᏎᏃ ᎾᏍᏊ ᎤᏟ ᎢᎦᎢ ᎤᏣᏘ ᎥᏍᎩ ᎤᏲᎵ.
Q. ᎭᏢᏃ ᏂᎦᎵᏍᏗ ᎤᎧᎾᏫ ᎢᏳᏍᏗ ᎠᏙᏢᏍᎩ ᎾᏍᎩ ᏂᏓᏳᎶᏒᎢ?
A. ᎢᎦᏓZ ᎾᏍᎩ ᏗᎦᎶᏍᎪ ᏗᎵᏍᏓᏁᏗ ᎯᎢᎾ ᎢᏳᏍᏗ ᎧᎵᎢ ᎤᏅᏗ, ᎤᏅᏗ ᎦᏚᏅᎯ, ᎭᏫᏯ ᎠᎴ ᎪᏢᏅ. ᎤᏓᏰᎶᏒᎢ (ᏤᏂᏏ) ᎾᏍᏊ ᏰᎵᎢ ᎾᏍᎩ ᏯᎵᏠᏯᏍᏓ ᏅᏍᏗᏓᏅᎢ. ᎾᏍᎩᎾ ᏱᏓᏟᎶᏍᏔᎾ, ᎢᏳᏃ ᎢᎦᏓ ᎥᎿᎢ ᏣᏤᎵ ᎪᎱᏍᏗ ᏗᏣᏓᏛᏂ ᎤᏁᎯ ᎠᎴᏃ ᏄᏅᎾ ᎦᎸᎳᏗ ᎤᎧᎾᏫ ᎢᏳᏍᏗ ᎠᏙᏢᏍᎩ, ᏂᎯ ᏰᎵᏊ ᏱᎩ ᎾᎿ ᎦᎸᎳᏗᎨᏍᏗ ᎦᎾᏰᎩ.
Q. ᎪᏙᎤᏍᏗ ᏚᏓᎴᎿᎢ ᎢᏧᏍᏗ ᎾᏍᎩ ᎤᎧᎾᏫ ᎢᏳᏍᏗ ᎠᏙᏢᏍᎩ?
A. ᎾᏍᎩ ᏚᏓᎴᏅᎲᎢ ᎢᏧᏍᏗ ᎨᏒᎢ:
- TC (ᏂᎦᏛ ᎦᏟᏌᏅ ᎤᎧᎾᏫ ᎢᏳᏍᏗ ᎠᏙᏢᏍᎩ): ᎾᏍᎩᏃ ᏂᎦᏛ ᎦᏟᏌᏅ ᎢᎦᎢ ᎥᎿᎢ ᏂᎦᎥ ᎤᎧᎾᏫ ᎢᏳᏍᏗ ᎠᏙᏢᏍᎩ ᎤᎾᎢ ᏣᏤᎵ ᎩᎦ — ᎾᏍᏊ ᎤᎪᏗ ᏂᏨᏅᎢ ᎦᎾᏰᎩ ᎥᎿᎢ ᎠᏓᏅᏙᎩ ᎥᏳᎩ
- LDL ᎤᎧᎾᏫ ᎢᏳᏍᏗ ᎠᏙᏢᏍᎩ: ᎠᎪᎵᏍᏙᏗ ᎯᎢᎾᎢ “ᎤᏲᎢ” ᎤᎧᎾᏫ ᎢᏳᏍᏗ ᎠᏙᏢᏍᎩ, LDL ᏰᎵ ᏱᎦᏯᎸᎥᎦ ᎤᏩᏌ ᎾᎢ ᏓᏑᎧᏡᎢ ᏣᏤᎵ ᎩᎦ ᎡᎬᎢ, ᏅᏗᎦᎵᏍᏙᏗᏍᎬ ᎾᏍᎩᎾᎢ ᏰᎵ ᎠᏓᏅᏙᎩ ᎥᏳᎩ ᏩᎵᎶᎯᎯ ᎠᎴᏃ ᎤᎸᏓᎸᏍᎩ
- HDL ᎤᎧᎾᏫ ᎢᏳᏍᏗ ᎠᏙᏢᏍᎩ: ᎪᎵᏍᏙᏗ ᎯᎢᎾᎢ “ᎣᏍᏓ” ᎤᎧᎾᏫ ᎢᏳᏍᏗ ᎠᏙᏢᏍᎩ, HDL ᎤᏣᏘᎾ ᏩᏤᏫᏍᏗ ᎾᏍᎩ LDL ᎤᎧᎾᏫ ᎢᏳᏍᏗ ᎠᏙᏢᏍᎩ
- TG (triglycerides): ᎾᏍᎩᏃ ᏧᏂᏰᎸᎢ ᎠᏍᏆᏂᎪᏙᏗ ᎠᎧᎵᎢᏍᏗ ᎾᏍᎩᎾ ᎤᎳᏦᎯᏓ
ᎠᏜᏂᎪᎯᏍᏙᏗ: ᏂᎯᏍᏆ ᏱᎾᏛᎦ
ᎤᏠᏱᎭᏊ ᎠᏜᏂᎪᎯᏍᏙᏗ ᏰᎵᎢ ᎠᏍᏕᎸᏗᎢ. ᎾᏍᎩ ᏗᏌᎳᏙᏗ ᎾᏍᎩ “ᎣᏍᏓ” (HDL) ᎠᎴ ᏤᎳᏗᏢ ᎾᏍᎩ “ᎤᏲᎢ” (LDL). ᎭᏁᎵᏓ ᎠᎩᏍᏗ 20 ᎢᏧᏔᏬᏍᏔᏅᎯ ᎥᏍᎩ ᏄᎶᏒᏍᏛᎾ ᎾᏛᏁᎲ ᏦᎢ ᏧᏒᎯᏓ Ꮎ ᏑᎾᏙᏓᏆᏍᎩ.
ᏗᏓᏃᎯᏎᎯ ᎾᎢ ᎤᏁᏉᏨᎢ ᎠᎵᏖᎸᎲᏍᎬᎢ
• ᎤᏍᏗᏊ ᎭᎴᎾ. ᏗᎦᎸᏫᏍᏓᏁᏗ ᎦᎸᎳᏗ ᏗᏃᏁᏆᏍᏗ ᎾᏍᎩ ᎢᏳᏓᏅᎯᏓ ᎠᎴ ᎠᏍᏗᏯ ᎠᎵᏔᎸᏅᎢ ᎥᎿᎢ ᏓᎾᎵᏖᎸᎲᏍᎬ.
• ᎭᏑᏯᎩ ᎤᏬᎵᏗ ᏓᎵᏖᎸᎲᏍᎬᎢ. ᎧᏁᏉᏍᏗ ᏧᏓᎴᏅᏓ ᎦᏟᏌᏅ ᎾᎢ ᏂᎯ ᎾᏍᎩᏃ Ꮭ ᏱᏓᏥᏐᏓᏁᎵ.
• ᎭᏨᏏᏰᏍᎨᏍᏗ ᎢᎸᏍᎩ ᎢᏳᏓᎵ ᎾᏍᎩ ᎢᎦᎢ ᏂᎦᎵᏍᏗᏍᎬᎢ ᎠᏗᎢ ᎤᏗᏗᏢ ᎤᏣᏘᎾ ᎠᎴ ᎾᏍᎩ ᎠᎩᏠᏒᏍᏗᎢ ᏫᎶᎯ, ᏞᏍᏗ ᎾᏍᎩ ᎠᏓᏌᎳᏗᏍᎩ.
• ᎤᏃᎴ ᎬᏗ ᎦᏅᎦᎵᏍᎩ ᎠᎴ ᏍᏓᏯ ᎣᏂ ᏙᏛᎩᎸᏫᏍᏓᏁᎵ. ᎯᎠᏃ ᎠᎴ ᏐᎢ ᎦᎵᏦᏕ ᏚᎦᏅᎦᎵᏍᎬ ᎾᏍᎩ ᎠᏜᏂᎪᎯᏍᏙᏗ ᎾᏍᏭᎢ!
ᎭᏅᏓᏛ ᎾᎢ ᎠᏓᏛᏗ ᏂᏨᏅᎢ ᎦᎾᎦᏘ ᎦᏙᎤᏍᏗ ᎠᏜᏂᎪᎯᏍᏙᏗ ᎾᏍᎩ ᏚᏳᎪᏛ ᎾᏍᎩᎾ ᏂᎯ .
ᏗᏓᏃᎯᏎᎯ ᎾᏍᎩᎾ ᏙᎯᏯ ᎠᎩᏍᏗ:
ᎣᏍᏓ ᏗᎵᏍᏓᏴᏗ ᎾᎢ ᎠᎩᏍᏗ
ᏧᎩᏨᏅᏓ ᏗᎩᏍᏗ ᏙᎯ ᏗᎩᏍᏔᏂᏓᏍᏗ ᎾᎯᏳ ᎠᎾᎵᏍᏓᏴᎲᏍᎬ ᏧᎾᎵᏍᏓᏴᏗᎢ
• ᎬᏩᏃᏍᏓ-ᎤᎦᏔ ᏌᎾᎴ ᏗᎩᏍᏗ
• ᎢᏤ ᎠᏓᏛᏍᎩ ᎠᎴ ᎢᏤᎢ ᏗᏫᏒᏅᎢ
• ᎠᏣᏗ
• ᏥᏔᎦ • ᏗᏓᏛᏍᎩ ᎠᎴ ᎢᏤᎢ ᏗᏫᏒᏅᎢ
• ᎠᎹ ᎾᏑᏴᎾ ᎠᏂᏇᏣᎵ
• ᎡᎳᏗ-ᎤᎳᏦᎯᏓ ᏬᏍᏗᎬ ᎠᎵᏍᏗᎳᏁᎬ ᏎᎷ ᎠᎾᏔᏍᎩᏍᎩ
• ᏧᏓᏁᏅᎯ, ᏐᏈᏍᏗ, ᎤᎳᏦᎯᏓ ᏂᎨᏒᎾ ᏧᎾᎿᏦᏯᏍᏔᏅ • ᎭᏑᏯᎩ ᎠᏥᎸ ᎬᏂᏍᏔᏅᎢ ᎠᎴ ᏗᎦᏚᏅᎢ ᏗᎩᏍᏗ, ᎥᏝ ᏗᎬᏣᎳᏅᎯ
• ᏗᏓᏅᏗᏍᏙᏗ ᎤᏓᏢᏓᏃ ᎠᎪᏍᏓᎩᏍᏗ ᏗᏑᏴᏓ
• ᎠᏓᏛᏗ ᎾᏍᎩᎾ ᏌᏏ ᎠᎴᏃ ᎠᏑᏍᏗ ᎤᎾᎢ ᎠᏍᏆᎨᏂ ᎾᎢ ᏗᏓᏅᏗᏍᏙᏗ ᎤᎶᏒᏍᏗ ᎢᏗᎦᏛᎢ
ᏅᏬᏘᏃ ᏂᎯ ᎤᏚᎸᏓ ᎾᎢ ᎢᏣᏅᏖᏍᏗ
ᎢᏧᎳᎭ ᎾᏳᎢ ᏧᏁᏟᏴᏍᏗ ᏂᏨᏅᎢ ᎠᎵᏍᏓᏴᏗ ᎠᎴ ᎠᏜᏂᎪᎯᏍᏙᏗ ᎢᏳᎾᏛᏁᎵᏓᏍᏗ, ᏂᎯ ᏰᎵᏉ ᎤᏚᎸᏓ ᏅᏬᏘᏃ. ᎾᏂᎥ ᎤᎪᏗᏗ ᏅᏬᏘᏃ ᎠᏛᏅᎢᏍᏔᏅ ᎾᎢ ᏓᏍᏕᎸᎯ ᎠᎳᏏᏅᏙᏗ ᎠᏕᎸ ᎡᎳᏗᏢ ᎤᎧᎾᏫ ᎢᏳᏍᏗ ᎠᏙᏢᏍᎩ ᏂᏕᎦᏛᎢ, ᎾᏍᎩᏯ ᎢᏳᏍᏗ:
ᎤᏠᏱᎭᏊ ᎠᏜᏂᎪᎯᏍᏙᏗ ᏰᎵᎢ ᎠᏍᏕᎸᏗᎢ. ᎾᏍᎩ ᏗᏌᎳᏙᏗ ᎾᏍᎩ “ᎣᏍᏓ” (HDL) ᎠᎴ ᏤᎳᏗᏢ ᎾᏍᎩ “ᎤᏲᎢ” (LDL). ᎭᏁᎵᏓ ᎠᎩᏍᏗ 20 ᎢᏧᏔᏬᏍᏔᏅᎯ ᎥᏍᎩ ᏄᎶᏒᏍᏛᎾ ᎾᏛᏁᎲ ᏦᎢ ᏧᏒᎯᏓ Ꮎ ᏑᎾᏙᏓᏆᏍᎩ.
ᏗᏓᏃᎯᏎᎯ ᎾᎢ ᎤᏁᏉᏨᎢ ᎠᎵᏖᎸᎲᏍᎬᎢ
• ᎤᏍᏗᏊ ᎭᎴᎾ. ᏗᎦᎸᏫᏍᏓᏁᏗ ᎦᎸᎳᏗ ᏗᏃᏁᏆᏍᏗ ᎾᏍᎩ ᎢᏳᏓᏅᎯᏓ ᎠᎴ ᎠᏍᏗᏯ ᎠᎵᏔᎸᏅᎢ ᎥᎿᎢ ᏓᎾᎵᏖᎸᎲᏍᎬ.
• ᎭᏑᏯᎩ ᎤᏬᎵᏗ ᏓᎵᏖᎸᎲᏍᎬᎢ. ᎧᏁᏉᏍᏗ ᏧᏓᎴᏅᏓ ᎦᏟᏌᏅ ᎾᎢ ᏂᎯ ᎾᏍᎩᏃ Ꮭ ᏱᏓᏥᏐᏓᏁᎵ.
• ᎭᏨᏏᏰᏍᎨᏍᏗ ᎢᎸᏍᎩ ᎢᏳᏓᎵ ᎾᏍᎩ ᎢᎦᎢ ᏂᎦᎵᏍᏗᏍᎬᎢ ᎠᏗᎢ ᎤᏗᏗᏢ ᎤᏣᏘᎾ ᎠᎴ ᎾᏍᎩ ᎠᎩᏠᏒᏍᏗᎢ ᏫᎶᎯ, ᏞᏍᏗ ᎾᏍᎩ ᎠᏓᏌᎳᏗᏍᎩ.
• ᎤᏃᎴ ᎬᏗ ᎦᏅᎦᎵᏍᎩ ᎠᎴ ᏍᏓᏯ ᎣᏂ ᏙᏛᎩᎸᏫᏍᏓᏁᎵ. ᎯᎠᏃ ᎠᎴ ᏐᎢ ᎦᎵᏦᏕ ᏚᎦᏅᎦᎵᏍᎬ ᎾᏍᎩ ᎠᏜᏂᎪᎯᏍᏙᏗ ᎾᏍᏭᎢ!
ᎭᏅᏓᏛ ᎾᎢ ᎠᏓᏛᏗ ᏂᏨᏅᎢ ᎦᎾᎦᏘ ᎦᏙᎤᏍᏗ ᎠᏜᏂᎪᎯᏍᏙᏗ ᎾᏍᎩ ᏚᏳᎪᏛ ᎾᏍᎩᎾ ᏂᎯ .
ᏗᏓᏃᎯᏎᎯ ᎾᏍᎩᎾ ᏙᎯᏯ ᎠᎩᏍᏗ:
ᎣᏍᏓ ᏗᎵᏍᏓᏴᏗ ᎾᎢ ᎠᎩᏍᏗ
ᏧᎩᏨᏅᏓ ᏗᎩᏍᏗ ᏙᎯ ᏗᎩᏍᏔᏂᏓᏍᏗ ᎾᎯᏳ ᎠᎾᎵᏍᏓᏴᎲᏍᎬ ᏧᎾᎵᏍᏓᏴᏗᎢ
• ᎬᏩᏃᏍᏓ-ᎤᎦᏔ ᏌᎾᎴ ᏗᎩᏍᏗ
• ᎢᏤ ᎠᏓᏛᏍᎩ ᎠᎴ ᎢᏤᎢ ᏗᏫᏒᏅᎢ
• ᎠᏣᏗ
• ᏥᏔᎦ • ᏗᏓᏛᏍᎩ ᎠᎴ ᎢᏤᎢ ᏗᏫᏒᏅᎢ
• ᎠᎹ ᎾᏑᏴᎾ ᎠᏂᏇᏣᎵ
• ᎡᎳᏗ-ᎤᎳᏦᎯᏓ ᏬᏍᏗᎬ ᎠᎵᏍᏗᎳᏁᎬ ᏎᎷ ᎠᎾᏔᏍᎩᏍᎩ
• ᏧᏓᏁᏅᎯ, ᏐᏈᏍᏗ, ᎤᎳᏦᎯᏓ ᏂᎨᏒᎾ ᏧᎾᎿᏦᏯᏍᏔᏅ • ᎭᏑᏯᎩ ᎠᏥᎸ ᎬᏂᏍᏔᏅᎢ ᎠᎴ ᏗᎦᏚᏅᎢ ᏗᎩᏍᏗ, ᎥᏝ ᏗᎬᏣᎳᏅᎯ
• ᏗᏓᏅᏗᏍᏙᏗ ᎤᏓᏢᏓᏃ ᎠᎪᏍᏓᎩᏍᏗ ᏗᏑᏴᏓ
• ᎠᏓᏛᏗ ᎾᏍᎩᎾ ᏌᏏ ᎠᎴᏃ ᎠᏑᏍᏗ ᎤᎾᎢ ᎠᏍᏆᎨᏂ ᎾᎢ ᏗᏓᏅᏗᏍᏙᏗ ᎤᎶᏒᏍᏗ ᎢᏗᎦᏛᎢ
ᏅᏬᏘᏃ ᏂᎯ ᎤᏚᎸᏓ ᎾᎢ ᎢᏣᏅᏖᏍᏗ
ᎢᏧᎳᎭ ᎾᏳᎢ ᏧᏁᏟᏴᏍᏗ ᏂᏨᏅᎢ ᎠᎵᏍᏓᏴᏗ ᎠᎴ ᎠᏜᏂᎪᎯᏍᏙᏗ ᎢᏳᎾᏛᏁᎵᏓᏍᏗ, ᏂᎯ ᏰᎵᏉ ᎤᏚᎸᏓ ᏅᏬᏘᏃ. ᎾᏂᎥ ᎤᎪᏗᏗ ᏅᏬᏘᏃ ᎠᏛᏅᎢᏍᏔᏅ ᎾᎢ ᏓᏍᏕᎸᎯ ᎠᎳᏏᏅᏙᏗ ᎠᏕᎸ ᎡᎳᏗᏢ ᎤᎧᎾᏫ ᎢᏳᏍᏗ ᎠᏙᏢᏍᎩ ᏂᏕᎦᏛᎢ, ᎾᏍᎩᏯ ᎢᏳᏍᏗ:
- Simvastatin
- Lofibra® or Fenofibrate
- Gemfibrozil
ᎥᏍᎩᎾ ᎤᎵᏍᎨᏓ ᎾᎢ ᎠᎩᏍᏗ ᏂᏨᏅᎢ ᎤᎧᎾᏫ ᎢᏳᏍᏗ ᎠᏙᏢᏍᎩ ᎡᏣᎦᏛᎾᏁᏗᎢ. ᎠᎦᎾᎦᏘ ᎾᎢ ᏂᏨᏅᎢ ᏍᏓᏝᏃᎲᎳ ᎾᎢ ᏩᏕᎳᎰᎯ ᏰᎵᎢ ᎢᏳᏓᎵ ᏂᎯ ᎠᏎᏗᏃ ᎨᏒ ᎨᏣᎪᎵᏰᏗ ᎨᏎᏍᏗ ᎠᎴ ᎦᏙᎤᏍᏗ ᏗᎳᏏᏙᏓ ᏂᎯ ᏰᎵ ᏱᏫᏓᏗᏤᎳᏍᏙᏗ ᏂᏨᏅᎢ ᏂᏕᎦᏛᎢ.
TOTAL CHOLESTEROL
ᏂᎪᎯᎸ ᎤᏚᎸᏗ......................ᎦᏲᎵᎨ ᏏᏃ 200 mg/dL
ᎤᏎᎦᏨᏗᏓᏂᎸᏍᏗ ᎦᎸᎳᏗ............200–239 mg/dL
ᎦᎸᎳᏗ..............................240 mg/dL ᎠᎴ ᎦᎸᎳᏗᏢ
LDL CHOLESTEROL
ᎭᏅᏓᏛ: ᎾᏍᎩᏃ ᎡᎳᏗᎵ ᎾᏍᎩ LDL, ᎾᏍᎩ ᏓᏤᎳ!
ᏫᏓᏤᏢᎢ.........................ᎦᏲᎵᎨ ᏏᏃ 100 mg/dL
ᎾᎥᎢ ᏫᏓᏤᏢᎢ................100–129 mg/dL
ᎤᏎᎦᏨᏗᏓᏂᎸᏍᏗ ᎦᎸᎳᏗ.............130–159 mg/dL
ᎦᎸᎳᏗ...............................160–189 mg/dL
ᎤᏙᎯᏳ ᎦᎸᎳᏗ.......................190 mg/dL ᎠᎴ ᎦᎸᎳᏗᏢ
HDL CHOLESTEROL
ᎭᏅᏓᏛ: ᎾᏍᎩ ᎦᎸᎳᏗᎨᏍᏗ ᎾᏍᎩ HDL, ᎾᏍᎩ ᏓᏤᎳ!
ᎡᎳᏗ..................................40 mg/dL
ᎦᎸᎳᏗ................................60 mg/dL ᎠᎴ ᎦᎸᎳᏗᏢ
ᏅᏓᏳᏓᎴᏅᎯ: ᎠᏰᎵ ᎠᏕᎸ ᎤᎧᎾᏫ ᎢᏳᏍᏗ ᎠᏙᏢᏍᎩ Education Program (NCEP)
ᎠᏩᏛᎯᏓᏍᏗ ᎾᏍᎩ ᏕᎫᏓᎸᎢ ᎡᎵᎳᏗᏢ ᎾᏍᎩᎾ ᏗᎧᏁᏉᏍᏙᏔᏅ ᎧᏃᎮᏢᎥᏍᎩ
ᎠᏩᏛᎯᏓᏍᏗ ᎾᏍᎩ ᏕᎫᏓᎸᎢ ᎡᎵᎳᏗᏢ ᎾᏍᎩᎾ ᏗᎧᏁᏉᏍᏙᏔᏅ ᎧᏃᎮᏢᎥᏍᎩ
ᎭᏐᎥᏍᏓ ᎠᎭᏂ ᎾᏍᎩᎾ WebMD
